Անցած տարվա ընթացքում ամենաշատ ցնցումների ենթարկված երկիրը ԱՄՆ-ն է․ Զախարովա
USAՄիացյալ Նահանգները բախվել է ներքին լրջագույն մարտահրավերներին 2020 թվականին՝ համեմատած այլ երկրների հետ, ՏԱՍՍ-ին տված հարցազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան: «Միացյալ Նահանգները ամենաշատը ցնցումների ենթարկվեց անցնող տարում։ Այդպես ոչ մի պետություն չի սասանվել: Դա նաև պանդեմիային և դրա հետ կապված խնդիրներին դիմակայելու անկարողությունն է: Մենք տեսնում ենք, թե ինչ է կատարվում ամբողջ աշխարհում և ԱՄՆ-ում: Սրանք միայն իմ գնահատականները չեն», - ասել է Զախարովան: 2020 թվականին ամենամեծ խնդիրներն ունեցած երկրներից հաջորդը Զախարովան անվանել է Ֆրանսիան, որում իրավապահների կողմից «դաժանորեն ճնշված» բողոքի ցույցեր ընթացան։ ՌԴ ԱԳՆ պաշտոնական ներկայացուցիչը կոչ է արել չկենտրոնանալ միայն ԱՊՀ երկրների խնդիրների վրա: