Շուռնուխից վերադառնալիս ականատես եղանք իշխանության բեմադրած հերթական ցածրորակ, էժանագին շոուին. Իվետա Տոնոյան

Շուռնուխից վերադառնալիս ականատես եղանք իշխանության բեմադրած հերթական ցածրորակ, էժանագին շոուին: Այս մասին իր ֆեյսբուքյան էջում գրել է ԲՀԿ-ական պատգամավոր Իվետա Տոնոյանը` անդրադառնալով Սյունիքում իրենց ճանապարհը փակելու միջադեպին:

«Գործընկերներիս հետ այսօր աշխատանքային այցով կրկին Սյունիքում էինք: Շուռնուխից վերադառնալիս ականատես եղանք իշխանության բեմադրած հերթական ցածրորակ, էժանագին շոուին: Սցենարը հետևյալն էր՝ Սիսիանի ու հարակից համայնքների մի խումբ բնակիչներ փակել էին ճանապարհը՝ իբրև թե թույլ չտալու համար, որ Վազգեն Մանուկյանը մուտք գործի Սյունիք, այն դեպքում, երբ նման այց նախատեսված չէր: Անզեն աչքով էլ տեսանելի էր, որ տեղի ունեցածն ընդամենը ուղղորդված սադրանք էր, որի դերակատարները իշխանությունների մանիպուլյացիաներին տրված մեր մի քանի հայրենակիցներն էին:

Տեղական արտադրության գավառական իշխանիկներներն այնքան հապշտապորեն էին կազմակերպել իշխանությունների պատվիրած բեմականացումը, որ բացի ուղիղ եթերով տեղի ունեցածը հեռարձակող մի քանի սադրիչներից, ուրիշ որևէ մեկը չէր միջամտում այս ներկայացմանը: Եվ ի՞նչ է ստացվում. այսօր առկա հազարավոր խնդիրներին լուծում տալու, հայրենազրկված ու թուրքի քթի տակ հայտնված տասնյակ հազարավոր մարդկանց մասին մտածելու, երկրի անվտանգությունը պաշտպանելու փոխարեն աթոռից սոսնձվածները զօր ու գիշեր տվայտվում են մեկ մտքի շուրջ՝ ինչպե՞ս խանգարել աշխատող, գործ անող մարդկանց:

Իսկ մենք ձեր թեթև ձեռքով այլևս սահմանապահ դարձած Շուռնուխում էինք՝ մարդկանց օգնելու,նրանց հոգսը մեղմելու նպատակով: Եվ վերջում դիմում եմ բոլոր նրանց, ովքեր կանգնած են այս էժանագին բեմադրության հետևում… Մենք աշխատանքային հերթական այցը հաջողությամբ ավարտած վերադառնում էինք Սյունիքից, իսկ Արցախը թուրքին հանձնած ձեր վարչապետը վերջերս անգամ Սյունիք մտնել չկարողացավ, որովհետև արժանապատիվ սյունեցիները թույլ չտվեցին: Մենք գնացել ու օրեր հետո էլի գնալու ենք Սյունիք:

Գնալու ենք, որովհետև իշխանության անբանության ու ապաշնորհության արդյունքում այնտեղ շատ անելիքներ ունենք: Գնալու ենք, որովհետև մենք մեր հայրենիքում վախենալու ոչինչ չունենք…»,- գրել է նա:

Այս թեմայով Արտահերթ ընտրություններին պատրաստ ենք ցանկացած օրենսգրքով՝ լինի նոր, թե հին. Իվետա Տոնոյան Շնորհակալ լինե՞մ, որ բյուջեն չեք յուրացրել․ գործուղումների գումարն եք վերադարձրել. Տոնոյան Ոչ ոք իրավունք չունի վիրավորել կամ ֆիզիկական ուժ կիրառել լրագրողների նկատմամբ․ Իվետա Տոնոյան Իշխանական քարոզչամեքենան այլանդակ ստի հերթական չափաբաժինն է շրջանառում. Տոնոյան Վարդենիս քաղաքի ռեստորաններից մեկում ճաշում են քաղաքացիական հագուստով ադրբեջանցի զինծառայողներ․ Տոնոյան Ռազմական դրության պայմաններում իմփիչմենտը տեխնիկապես անհնար է, բայց Տոնոյանը վստահ է՝ լուծում կա Ինչքա՞ն ժամանակ եք ԱԺ հետնամուտքով գաղտնագողի և ոստիկանների հսկողությամբ շենք մտնելու. Իվետա Տոնոյան Մենք ձեզնից վախենալու ոչինչ չունենք. Աժ պատգամավորներին հրավիրել են քննչական ծառայություն (տեսանյութ) Իվետա Տոնոյանը խնդրում է «Իմ քայլին» և ԼՀԿ-ին գալ Աժ և արտահերթ նիստ գումարել Նիկոլ Փաշինյանի հեռացումը այլևս հրամայական է. Իվետա Տոնոյան