Ինչո՞ւ ԱԱԾ-ն չի նկատում քաղաքացիներին վիրավորող և պիտակավորող «ռեալ օգտատերերին»

Շուրջ երկու օր է` Հայաստանի ԱԱԾ-ն զբաղված է հույժ կարևոր առաքելությամբ՝ ֆեյք բռնելու օպերացիայի շրջանակներում կալանավորվել է 4 անձ, ովքեր մեղադրվում են ֆեյքի միջոցով հանրության որոշակի հատվածի հասցեին վիրավորական արտահայտություններ անելու, ազգային թշնամանք տարածելու մեջ: Նշենք, որ վիրավորական խոսք ասելով` ԱԱԾ-ն նկատի ունի «ժեխ» բառը:

ԱԱԾ  տվայտանքների ֆոնին տեղին է հիշել, որ վերջին շրջանում հաճախակի են դարձել թավշյա պաշտոնյաների կողմից հպարտ քաղաքացիներին վիրավորելու, պիտակավորելու դեպքերը: Իհարկե, ժողովրդի կողմից իշխանության բերվածներն այսօր, թերևս, չունեն այդ ժողովրդի աջակցության կարիքը և կարող են իրենց թույլ տալ այս ժողովրդի տարբեր շերտերի հետ խոսել վերևից` մոռանալով, որ եկել էին ծառայելու և ոչ թե տիրելու և հայհոյելու: 

Դիցուք՝ նախորդ տարվա հուլիսի 23-ին, Երևանի քաղաքապետ Հայկ Մարությանի մամլո խոսնակ Հակոբ Կարապետյանն իր ֆեյսբուքյան էջում գռեհիկ բառապաշարով վիրավորական գրառում էր կատարել սփյուռքում բնակվող մեր հայրենակիցների հասցեին: Կարապետյանը՝ իր խոսքերով` «երկու կոպեկ պետական նպաստի խաթր բարեկեցիկ գոմիկըստաններում ծվարած պորտաբույծ տխմարամիտներին» փորձել էր «հասկացնել», որ իրենց ագրեսիվ ակցիաները երկիրը չեն պաշտպանում: «Իրենց ինֆանտիլ վարքով վնասում են երկրին ու ժողովրդին: Շարունակեք լռվցնել ձեր լագերներում, ու աշխատեք շատ աչքի չնկնել, դա մեզ ավելի շատ օգուտ կտա»,- գրել էր Կարապետյանը: 

Նմանատիպ գրառում էլ խոսնակը արել էր ամիսներ առաջ՝ «Ինչի՞ մասին ենք վիճում ընդհանրապես: Ներեցեք, բայց խնչած ունեմ խցանման ու մյուս պրոբլեմների վրա տասը կմ/ժ-ով նվազեցնելը մարդկանց կյանքեր է փրկում»: 

Ավան վարչական շրջանի ղեկավարի տեղակալ Ներսես Պողոսյանը Ֆեյսբուքի իր էջում գրել էր. «Հատուկ թերհասների համար! Հայկ և Նաիրի Սարգսյաններն իմ ընկերներն են։ Ու են որ Հայկը խախտել էր պարետի որոշումը (որի համար տուգանվել է) ձեզ իրավունք չի տալիս ավել պակաս հաչալու։ Ձեզ էլ եմ հասկանում ո՞նցա կարելի Սևան գնալ ու հասարակ լողափին ժողովրդի հետ ուրախանալ, առանց հաստավզերի, առանց կոկայինի, առանց մի քանի միլիոն դոլարներ կրվելու։ Ախր շատ հարամ ենք է, ամեն ինչ փոխում ենք։Ապրե'ք ձեր կյանքով ճնճղուկներ»: 

Դրանից հետո էլ պատերազմի ամենաթեժ օրերին պաշտոնյան սպառնում էր գեներալ Վիտալի Բալասանյանին:

Վիրավորական արտահայտություններ էին արվել գեներալ Յուրի Խաչատրյանի որդու հասցեին:

Ընդդիմադիր կուսակցություններին և նրանց աջակիցներին էլ Ավանի փոխթաղապետը անվանել էր ոջիլներ:

ԱԺ փոխխոսնակ Լենա Նազարյանը կապիտուլյացիոն խայտառակ ակտի ստորագրումից հետո՝ նոյեմբերի 25-ին, իր ֆեյսբուքյան էջով տարածում էր Փաշինյանի աջակիցների՝ սեռական հայհոյանք և սպառնալիքներ պարունակող տեսանյութերը` ուղղված,  իհարկե, Փաշինյանի ընդդիմախոսներին:

«Իմ քայլը» խմբակցության պատգամավոր Նազելի Բաղդասարյանը վիրավորում էր ԶԼՄ ներկայացուցիչներին` հայտարարելով, որ եթե նրանք քննադատում են իշխանություններին` նշանակում է` սնվում են ինչ-որ մեկի գրպանից: Սա այն դեպքում, երբ Բաղդասարյանն ինքն էլ ժամանակին զբաղվել է լրագրությամբ, իսկ լրագրողական համայնքը հեղափոխության օրերին ամենայն փութաջանությամբ լուսաբանում էր Փաշինյանի և իր թիմակիցների գործողությունները: 

Լոռու մարզպետ Անդրեյ Ղուկասյանի ինքապարգևատրման մասին վերջերս հրապարակում արեց «Հետք» պարբերականը, սակայն մարզպետը այն որակեց ապատեղեկատվություն այն դեպքում, երբ դա ապացուցող փաստաթուղը լրատվականին տրամադրել էին մարզպետարանից: Դա էլ քիչ էր, նա վիրավորական արտահայտություն էր արել լրագրողի հասցեին: 

Գեղարքունիքի մարզի Լիճք համայնքի Հովհ. Թումանյանի անվան միջնակարգ դպրոցի ուսուցիչ, փոխտնօրեն Աշոտ Հոխիկյանն իր ֆեյսբուքյան էջում գրառում էր կատարել, որում առաջարկում էր Նիկոլ Փաշինյանի հրաժարականը պահանջողներին և նրանց ընտանիքներին «առնել» և մորթել։

Իշխանական պատգամավոր Վիկտոր Ենգիբարյանը ծաղրում է բոլոր այն քաղաքացիներին, ովքեր մտահոգություններ ունեն Իրանում տարածվող նոր տիպի կորոնավիրուսի մասով։ «Վերջում, պանիկա ստեղծողները հաջորդ կյանքում կորոնավիրուսի հարուցիչ են լինելու»,-իր ֆեյսբուքյան էջում գրել էր պատգամավորը։

Սրանք ընդամենը մի քանի օրինակներ են այն վիրավորանքների, որոնք թավշյա պաշտոնյաները հասցրել են հասարակության որոշակի շերտերի՝ ինչպես սիրում է նշել ԱԱԾ-ն: ԱԱԾ-ին էլ հարց է առաջանում` իսկ ինչո՞ւ են պատկան կառույցում շուրջ երկու օր տվայվտում ֆեյքին հայտնաբերելու նպատակով, եթե ձեռքի տակ են հայհոյանքների և սպառնալիքների մեծագույն սիրահարներ՝ վերը բարձր պաշտոնների բազմած ու միանգամայն ռեալ օգտատերերը...

Այս թեմայով Որևէ պաշտոնյա իրավասու չէ միանձնյա որոշել, թե որն է ՀՀ տարածքը. ի՞նչ էր անում «Հայաքվեն» վտանգված գյուղերում. «Փաստ» «Ժողովուրդ». Օլիմպիական չեմպիոն Արմեն Նազարյանի 50-ամյակը ոչ մի պետական պաշտոնյա չհիշեց. ծնունդը Բուլղարիայում են նշել Մարդիկ պետք է պատրաստ լինեն Ռուսաստանի հետ պատերազմի. ՆԱՏՕ-ի պաշտոնյա Հայաստանում էապես աճել է POS տերմինալներով գնումների քանակը. ԿԲ պաշտոնյա Հայաստանում գործում են մոտ 4 000 լիցենզավորված շինարարական ընկերություններ. Պաշտոնյա Անձնագիրդ տալիս ես, ամաչում էլ ես ասես՝ պետական պաշտոնյա ես, 2024թ ա գալիս, հին անձնագրերով ենք ԵՄ-ի քաղաքական գիծը Հայաստանին աջակցելն ու երկրի դիմադրողականությունը բարձրացնելն է. ԵՄ պաշտոնյա Գազայում «հրադադար չի լինելու». իսրայելցի բարձրաստիճան պաշտոնյա Առնվազն ութ հայ պաշտոնյա գտնվում են Բաքվի բանտում ու արժանանում վատ վերաբերմունքի. իրավաբան Ադրբեջանը ԼՂ-ն ցանկանում է դարձնել բանտ, վանդակ և քշել այնտեղից արցախցիներին. ֆրանսիացի պաշտոնյա