Քննչական կոմիտեն քրեական գործ է հարուցել Խաչատուրյան քույրերի մահացած հոր նկատմամբ

Քննչական կոմիտեն քրեական գործ է հարուցել մահացած Միխայիլ Խաչատուրյանի դեմ, ՌԻԱ «Նովոստիին» անանուն մնալու պայմանով հայտնել է գործընթացում ներգրավված փաստաբաններից մեկը:

«Խաչատուրյանի դեմ քրեական գործ է հարուցվել Քրեական օրենսգրքի 132-րդ հոդվածի 3-րդ մասով՝ «Սեռական բնույթի բռնի գործողություններ», 133֊րդ՝ «Պարտադրանք սեռական բնույթի գործողություններին» հոդվածով և 117֊րդ՝ «Խոշտանգումներ» հոդվածով, - հստակեցրել է գործակալության զրուցակիցը:

Ինչպես հայտնի է, 2018 թվականի հուլիսի 27-ին Մոսկվայում տեղի ունեցավ սահմռկեցուցիչ սպանություն։ Խաչատուրյան երեք քույրերը դանակահարելով՝ սպանեցին իրենց հորը։ Աղջիկները 17, 18 և 19 տարեկան էին։ Ամենից շատ վերքեր հասցրել էր կրտսեր դուստրը: Սպանվածի մասին հայտնի է, որ նա աղջիկներին «ֆիզիկական ու հոգեկան տառապանքներ» է պատճառել:

Պաշտպանական կողմը պնդում է, որ միջադեպը ինքնապաշտպանության արդյունք էր, բայց այնուամենայնիվ, մեղադրանքը առաջադրվեց սպանության հոդվածով: Նախ ձերբակալվածները տեղավորվեցին նախնական կալանքի կենտրոնում, ապա խափանման միջոցը մեղմացվեց և դարձավ «որոշակի գործողությունների կատարման արգելք», իսկ այնուհետև աղջիկներն ազատ արձակվեցին՝ էլեկտրոնային ապարանջաններ րելու հարկադրանքով։

Քույրերի փաստաբանները պնդում են, որ հայրը սեռական բռնության է ենթարկել իր դուստրերին: Միխայիլ Խաչատուրյանի մյուս հարազատները պնդում են, որ դա ճիշտ չէ։ Եվ այժմ քրեական գործ է հարուցվել սպանված մարդու դեմ։ Նշենք, որ դա հնարավոր է օրենքով։