Դրական եմ վերաբերվում «Երրորդ ուժ» քաղաքացիական նախաձեռնությանը, քանի որ հայրենիքի փրկության պայքար է. Էդուարդ Շարմազանով

Բոլոր այն քաղաքական ուժերն ու քաղաքացիական նախաձեռնությունները, որոնց նպատակը ազգային Հայաստանի կառուցումը, հայ-ռուսական դաշնակցային հարաբերությունների զարգացումը և այս կապիտուլյանտի հեռացումն է՝ դրական եմ վերաբերվում: Այս մասին ԼՈՒՐԵՐ.com-ի հետ զրույցում ասաց ՀՀԿ խոսնակ Էդուարդ Շարմազանովը՝ անդրադառնալով «Երրորդ ուժ» քաղաքացիական նախաձեռնությանը և երեկ տեղի ունեցած հանդիպում-քննարկմանը:

«Արտակ Թովմասյանի նախաձեռնությանը դրական եմ վերաբերվում, իրեն էլ շատ լավ ճանաչում եմ, «Երրորդ ուժ» քաղաքացիական շարժման մեջ ներգրավված մարդկանց ևս: Ես դրական եմ վերաբերվում Նիկոլ Փաշինյանի հեռացմանը միտված ցանկացած քաղաքական ու քաղաքացիական նախաձեռնության գործողություններին: Սա այն խնդիրն է, որտեղ չկա կուսակցական պայքար, սա, իսկապես, ազգային պայքար է և բոլոր նրանք, ովքեր մտահոգ են Հայաստանում ազգային պետության կառուցմամբ, պետք է միավորվեն, և յուրաքանչյուրը պետք է իր լուման ներդնի»,- նկատեց ՀՀԿ խոսնակը:

Ազգային պետության ստեղծում, ազգային-ավանդական արժեքների վերականգնում, Արցախյան խնդրում հայանպաստ լուծման տեսլական, հայ-ռուսական դաշնակցային հարաբերությունների ամրապնդում. սրանք այն կարևոր կետերն են, որոնք, ըստ Շարմազանովի, ընկած են ցանկացած գաղափարի հիմքում:

«Բաղրամյան պողոտայում կան տարբեր մարդիկ և քաղաքական նախաձեռնություններ, 17 կուսակցությունները, «Երրորդ ուժ»-ը, նաև սովորական քաղաքացիներ: Այդ մարդիկ էլ մեզ հետ միասին գիշերում են Բաղրամյան պողոտայում, որտեղ տեսել եմ նաև Արտակ Թովմասյանին, Արշակ Զաքարյանին: Այսինքն՝ սա ոչ թե կուսակցական խնդիր, այլ ազգային պայքար է: Եթե մենք սա վերածենք կուսակցական խնդրի՝ մեր տեսակը պարտվելու է: Բոլոր նրանք, ովքեր փորձեն «վերմակը իրենց վրա քաշել», այլ ոչ թե ընդհանուրի, կապիտուլյանտին պարտվելու են: Մեկ անգամ չէ, որ ասել եմ՝ սա ոչ թե քաղաքական, այլ հայրենիքի պայքար է: Բացի սորոսագրանտակերներից և ահաբեկիչներից՝ ով էլ նպաստի այս կապիտուլյանտ իշխանության հեռացմանը, իմ բնական դաշնակիցն է»,- ընդգծեց ՀՀԿ խոսնակը:

Հարցին, թե Շարմազանովն ինչ է կարծում՝ Արտակ Թովմասյանին և իր թիմին կհաջողվի 44 օրվա ընթացքում հասնել իշխանության հրաժարականին, նա պատասխանեց, որ ամեն ինչ կախված է, նախ աշխարհաքաղաքական, ապա՝ Հայաստանի ներքաղաքական գործընթացներից:

«Մեր ժողովուրդը պետք է պասիվ չլինի, հասկանում եմ՝ մեկը ինձ չի սիրում, մյուսը՝ «Երրորդ ուժ»-ին, բայց սա սիրել-չսիրելու պայքար չէ, այլ՝ հայրենիքը սիրելու: Մեզ անհրաժեշտ է հասարակության միասնություն, որովհետև կապիտուլյանտը սպանել է մեր 30 տարվա երազանքը, մեր պետության գոյության իմաստը»,-եզրափակեց Շարմազանովը:

Հիշեցնենք, որ երեկ՝ մարտի 11-ին, «Դվին» հյուրանոցի մեծ սրահում տեղի ունեցավ «Երրորդ ուժ» քաղաքացիական նախաձեռնության ներկայացուցիչների մասնակցությամբ առաջին հանդիպում-քննարկումը: Նախաձեռնող խմբի անդամներն էին հասարական-քաղաքական գործիչ, «ԹՈՎՄԱՍՅԱՆ» հիմնադրամի հոգաբարձուների խորհրդի նախագահ Արտակ ԹՈՎՄԱՍՅԱՆԸ, «Հայաստանի դեմոկրատական կուսակցության» հիմնադիր Արամ ՍԱՐԳՍՅԱՆԸ, «ՀԱՅՈՑ ԱԶԳԱՅԻՆ ԳՎԱՐԴԻԱ» ՀԿ ղեկավար Արշակ ԶԱՔԱՐՅԱՆԸ, «ՎԵՐԱԴԱՐՁ» հիմնադրամի նախագահ Արագած ԱԽՈՅԱՆԸ, ԵՊՀ սահմանադրական և միջազգային իրավունքի ամբիոնի վարիչ Վարդան ԱՅՎԱԶՅԱՆԸ:

Արփինե Հակոբյան

По теме Во дворе церкви Святых Ангелов на пожертвование семьи Иосифа Кобзона был открыт родник (видео, фото) Международный фонд «Товмасян» создаст лабораторию «Армат» в 143-й школе Фонд «Товмасян» организовал футбольный турнир, посвященный 60-летию полковника Вардана Петросяна Станислав Зась по приглашению Артака Товмасяна посетил «Парк вечных» и посадил дерево Фонд «Товмасян». Состоялась премьера мюзикла «Хранители мечты» Фонд «Товмасян» направит на благотворительность средства от рождественской ярмарки Память о героях вечна: фонд «Товмасян» построил церковь Святых Ангелов и «Парк вечности» Парк «Вечности» будет иметь форму символа вечности, а также застекленную церковь. Артак Товмасян Благословение и передача крестов Ашота Железного под покровительством Фонда "Товмасян" А. Товмасян: Мы будем «группой давления» для следующего правительства