Լակոտոկրատիան այնպես է ավիրել երկիրը, քայքայել պետական ինստիտուտները, որ մենք շատ ընտրություններ ենք անելու, մինչև նորմալ քաղաքական հուն մտնենք. քաղաքագետ
Блогосфера
Մյուս ընտրություններին ընդառաջ կարող ենք նոր Ընտրական օրենսգիրք ունենալ, սակայն հիմա դա երկրորդական հարց է, մենք ճակատամարտի պետք է պատրաստվենք: Այս մասին ֆեսբուքի իր էջում գրել է քաղաքագետ Ստեփան Դանիելյանը։
«Կուսակցությունների մանրախնդրության ապացույցն է Ընտրական Օրենսգրքի շուրջ քննարկումները՝ հին օրենսգիրք, թե՝ նոր:
Փաստորեն, այս իրավիճակում, նրանց ապագա խորհրդարանում մանդատների քանակն է հետաքրքրում, կարծես թե դա է հիմնական խնդիրը:
Հիմնական խնդիրը լակոտոկրատիայի ապամոնտաժումն է, ցանկացած գնով, մնացածը երկրորդական է: Մեզ ընտրություններ չեն սպասվում, այլ ճակատամարտ, ճակատամարտի բոլոր օրինաչափություններին համապատասխան:
Երկու տարվա ընթացքում Իսրայելում արդեն 4 խորհրդարանական ընտրություն է տեղի ունեցել, հնարավոր է, որ մոտ ժամանակները 5-րդը լինի, ու ոչինչ, մարդիկ ապրում են:
Եթե հունիսին ընտրություններ լինեն, ապա հնարավոր է, որ մի տարի հետո ևս մեկ արտահերթ ընտրություններ լինեն ու այս իրավիճակում դա նորմալ է:
Լակոտոկրատիան այնպես է ավիրել երկիրը, քանդել անվտանգային համակարգը, քայքայել պետական ինստիտուտները, որ մենք շատ ընտրություններ ենք անելու, մինչև նորմալ քաղաքական հուն մտնենք:
Մյուս ընտրություններին ընդառաջ կարող ենք նոր Ընտրական օրենսգիրք ունենալ, սակայն հիմա դա երկրորդական հարց է, մենք ճակատամարտի պետք է պատրաստվենք:
Սակայն անգամ այս իրավիճակում մանրախնդիր կուսակցություններին մանդատների քանակն է ընդամենը հետաքրքրում: Փաստորեն լակոտոկրատիան խորքային արմատներ է գցել ու տարածվել արդեն այլ սուբյեկտների վրա»,-գրել է նա:
Самое популярное 
В Норатусе за сутки погибли двое мужчин – вследствие взрыва и огнестрельного ранения
