«Պետք է համախմբվենք մեր պետականության շուրջ՝ ունենալով մեկ նպատակ՝ զարգացնել մեր երկիրը»․ «Փաստ»

«Փաստ» օրաթերթը գրում է.

«Երրորդ ուժ» քաղաքացիական նախաձեռնությունն օրերս ազդարարեց «Անվտանգության անկախ խորհրդի» ձևավորման մասին, այնուհետև տարածվեց անվտանգային խնդիրների լուծման մասին ուղենիշային հաղորդագրություն։ Դրանից մի քանի օր հետո ձևավորվեց նաև «Գործարար կապերի խորհուրդ»: Տեղի ունեցած հանդիպում քննարկմանը մասնակցում էին գործարարներ և ինտերակտիվ շփման միջոցով փորձում էին գտնել ոլորտի խնդիրները, բարելավել մեր երկրի գործարար միջավայրը, ելքեր գտնել Հայաստանում ստեղծված սոցիալ-տնտեսական բարդ իրավիճակից: Հանդիպման ընթացքում «Երրորդ ուժ» քաղաքացիական նախաձեռնության անդամ Արտակ Թովմասյանը նշեց, որ այսօր մեր երկիրը և մենք գտնվում ենք այլ՝ մեզ համար բոլորովին նոր մի իրավիճակում:

«Թե՛ մենք, թե՛ մեր երկիրը երբեք չենք եղել նման բարոյահոգեբանական, քաղաքական, տնտեսական անկումային իրավիճակում: Այս իրավիճակն ավելի է խորանալու: Մեր հիմնական նպատակն է, որ հավաքվենք, մտքերով փոխանակվենք, ծանոթանանք մեր երկրի՝ այսօր առկա և սպասվող, օր օրի ավելի խորացող խնդիրներին, քննարկենք ու առաջարկենք ելքեր Հայաստանը ստեղծված վիճակից դուրս բերելու համար, աջակցենք պետականության զարգացմանը»,- հանդիպման ժամանակ նշեց Թովմասյանը:

Նրա խոսքով՝ այսօր ունենք երկու ճանապարհ՝ կա՛մ հանձնվել սեփական պարտությանը և գնալ ավելի խորը անկման, կա՛մ դասեր քաղել սեփական պարտությունից և ոտքի կանգնել: «Ես նախընտրում եմ երկրորդ տարբերակը: Մեր երկրում այսօր մի իրավիճակ է, երբ մասնատված ենք, կիսված՝ սև ու սպիտակներ, նախկիններ ու ներկաներ: Ինձ համար դա անընդունելի է: Պետք է համախմբվենք մեր պետականության շուրջ՝ ունենալով մեկ նպատակ՝ զարգացնել մեր երկիրը: Կորցրել ենք մեր կապը Սփյուռքի հետ, իսկ սա շատ մտահոգիչ է»,- ընդգծեց Թովմասյանը:

Վերջին շրջանում շատ է խոսվում այն մասին, որ մեր երկրում կան գործարարներ, որոնք անթաքույց դրական վերաբերմունք ունեն գործող իշխանությունների նկատմամբ և մտավախություն, թե ինչ կլինի իրենց բիզնեսների հետ, եթե Հայաստանում իշխանափոխություն լինի:

«Փաստը» պարոն Թովմասյանից հետաքրքրվեց՝ արդյո՞ք այդ գործարարները կարող են վստահ լինել, որ մեր երկրում իշխանափոխությունից հետո իրենց բիզնեսները չեն խլի կամ էլ նրանք տեռորի չեն ենթարկվի: Ի պատասխան Արտակ Թովմասյանն ընդգծում է՝ իր համար անընդունելի է նույնիսկ այն միտքը, որ իշխանություններից տարբերվող քաղաքական հայացքներ ունեցող գործարարները կարող են հետապնդվել, նման բան չպետք է թույլ տալ: «Մեր երկրում պետք է լինեն այնպիսի գործընթացներ և իրավական նորմեր, որ գործարարները չհետապնդվեն: Եթե գործարարը չի խախտում օրենքները, Սահմանադրության դրույթները, ժամանակին վճարում է հարկերը, բայց համակրում է այս կամ այն քաղաքական գործիչներին, այդ պատճառով նրա նկատմամբ չպետք է լինեն հետապնդումներ: Ավելի սեղմ շփվելով տարբեր գործարարների, պետական աշխատողների հետ, տեսնում ենք, որ կան տեռորի հետևանքներ: Մասնավորապես՝ տեռորի են ենթարկվում տարբեր ոլորտներում աշխատող մարդիկ, օրինակ՝ եթե սոցիալական հարթակում տվյալ աշխատողը համակրեց ընդդիմադիր որևէ ուժի, կարծիք հայտնեց, որը չհամընկավ այսօրվա իշխանության տեսակետին, ինչ-որ պատճառաբանությամբ իրեն կարող են ազատել աշխատանքից: Ես համարում եմ դա տեռոր: Իմ կարծիքով՝ սա անթույլատրելի է, նման բաներ չպետք է լինեն: Այդ ձևով չես կարող երկար ժամանակ պետություն զարգացնել: Ես վստահ եմ, որ այսօր բոլոր գործարարների նպատակը մեկն է: Ի վերջո՝ ի՞նչ է ուզում գործարարը: Նա ցանկանում է, որ երկիրը զարգանա, լինեն հավասար հնարավորություններ բիզնեսով զբաղվող մարդկանց համար: Որքան երկիրը զարգանա, այնքան կաճեն գործարարների եկամուտները, հնարավորությունները: Մեկը մյուսի հետ փոխկապակցված հարցեր են»,-ասաց Արտակ Թովմասյանը:

Մանրամասները՝ «Փաստ» օրաթերթի այսօրվա համարում

По теме Во дворе церкви Святых Ангелов на пожертвование семьи Иосифа Кобзона был открыт родник (видео, фото) Международный фонд «Товмасян» создаст лабораторию «Армат» в 143-й школе Фонд «Товмасян» организовал футбольный турнир, посвященный 60-летию полковника Вардана Петросяна Станислав Зась по приглашению Артака Товмасяна посетил «Парк вечных» и посадил дерево Фонд «Товмасян». Состоялась премьера мюзикла «Хранители мечты» Фонд «Товмасян» направит на благотворительность средства от рождественской ярмарки Память о героях вечна: фонд «Товмасян» построил церковь Святых Ангелов и «Парк вечности» Парк «Вечности» будет иметь форму символа вечности, а также застекленную церковь. Артак Товмасян Благословение и передача крестов Ашота Железного под покровительством Фонда "Товмасян" А. Товмасян: Мы будем «группой давления» для следующего правительства