Առնվազն 1500 ընտրատեղամասում տեղադրված կլինեն տեսախցիկներ. Մուկուչյան

Աշխատանքներ են տարվում, որ արտահերթ խորհրդարանական ընտրություններին առնվազն 1500 ընտրատեղամասում տեղադրված լինեն տեսախցիկներ, որոնք կապահովեն ուղիղ հեռարձակում: Այս մասին ասաց Կենտրոնական ընտրական հանձնաժողովի նախագահ Տիգրան Մուկուչյանը ԿԸՀ նիստից հետո լրագրողների հետ զրույցում անդրադառնալով հարցին, թե արդյոք բոլոր ընտրատեղամասերում են լինելու տեսախցիկներ, որոնք ապահովելու են ուղիղ հեռարձակում:

«Այս փուլում տարվում են աշխատանքներ: Տեսախցիկների տեղադրումն ընտրությունների ժամանակ իրականացվում է կառավարության կողմից ընտրված կազմակերպության միջոցով: Մենք տեղեկացված ենք, որ այս պահին աշխատանքներ տարվում են»,-ասաց Մուկուչյանը:

Նա նշեց, որ նախկին ընտրությունների ժամանակ 2009 ընտրատեղամասից տեսախցիկներ տեղադրված եղել 1500 տեղամասերում, որտեղ քվեարկում է ընտրողների ճնշող մեծամասնությունը: Միայն հեռավոր բնակավայրերում շատ փոքր թվով ընտրողների ունեցող տեղամասերում է, որ տեսախցիկներ չեն եղել:

«Այս անգամ աշխատանքը տարվում է այնպես, որ 1500 տեղամասերը պետք է ծածկվեն»,-ասաց ԿԸՀ նախագահն ու հավելեց՝ ավելի մանրամասն տեղեկատվություն կներկայացնեն այն ժամանակ, երբ աշխատանքները մեկնարկեն:

Անդրադառնալով լրագրողների դիտարկմանը, որ քարոզարշավը դեռ չսկսած որոշ քաղաքական ուժերի պաստառներ արդեն փակցված են՝ նա ասաց, որ Ընտրական օրենսգիրքը նախատեսում է սանկցիաների կիրառում՝ բացառապես ընտրական օրենսգրքի մասնակից սուբյեկտների նկատմամբ, իսկ այս փուլում դեռ չկան գրանցված թեկնածուներ:

«Երբ թեկնածուները գրանցվում են, դրանից հետո սկսվում է քարոզչության փուլը, գործում են քարոզչության կանոնները, և սկսվում է համապատասխան վերահսկողություն՝ նաև քարոզչական պաստառների հետ կապված: Ընտրական օրենսգիրքն ունի հստակ կանոնակարգումներ այս առումով, և հիշյալ ժամանակահատվածում, եթե կլինեն քարոզչական պաստառներ, որոնք կփակցվեն ոչ այն վայրերում, որտեղ օրենքը թույլ է տալիս կամ փակցված կլինեն օրենքի խախտումով, չեն պարունակի օրենքով սահմանված տպաքանակի, տպագրատան և այլ նշումներ, բնականաբար կհեռացվեն: Իսկ այս պահին ընտրական հանձնաժողովի համար որևէ գործառույթ նախատեսված չէ: Չի բացառվում անգամ, որ որևէ պաստառ ունեցող սուբյեկտ անգամ չառաջադրվի ու չգրանցվի»,-ասաց Մուկուչյանը:

Այս թեմայով «Իրավունք». Տիգրան Մուկուչյանը երկար անգործ չի մնա Ինձ մոտ դեժավյու է՝ ձեզ զրպարտել է ժամանակին պատգամավոր Նիկոլ Փաշինյանը․ Խամոյանը՝ Մուկուչյանին (տեսանյութ) Տիգրան Մուկուչյանը դուրս է գրվել հիվանդանոցից, նրա ինքնազգացողությունը լավ է Տիգրան Մուկուչյանը սուր ինֆարկտով հիվանդանոց է տեղափոխվել. 168.am Հնարավո՞ր է՝ զինծառայողը երկու ընտրատեղամասից քվեարկած լինի. Տիգրան Մուկուչյանը պարզաբանեց «Հրապարակ». Ինչ տեղի կունենա, եթե ընդդիմադիր ուժը որոշի դիմել ՍԴ Ովքե՞ր են հայերենին լավ չտիրապետող պատգամավորի 3 թեկնածուները Տիգրան Մուկուչյանն ընդունել է ԵԱՀԿ/ԺՀՄԻԳ արտահերթ ընտրությունների դիտորդական առաքելության հիմնական կազմին «Ժողովուրդ». Տիգրան Մուկուչյանն առարկություններ է ներկայացրել «Հրապարակ». ԿԸՀ նախագահը արտահերթ ընտրությունների մասին իմացել է մամուլից