Կանադան ահաբեկչություն է որակել Իրանի կողմից Boeing-ի խոցումը

Կանադական Օնտարիո նահանգի դատարանը վճռել է, որ Իրանը, խոցելով Ուկրաինայի միջազգային ավիաուղիների Boeing 737- ը, իրականացրել է ահաբեկչություն, հաղորդում է Global News-ը:

2020 թվականի հունվարի 8-ին Թեհրանի օդանավակայանից թռիչքից անմիջապես հետո վթարի է ենթարկվել Ուկրաինայի միջազգային ավիաուղիների Boeing 737-800 ինքնաթիռը, որը թռչում էր Կիև: Զոհվել է 176 մարդ՝ Իրանի, Ուկրաինայի, Կանադայի, Մեծ Բրիտանիայի, Գերմանիայի, Շվեդիայի և Աֆղանստանի քաղաքացիներ:

Իրանցի զինվորականները հունվարի 11-ին հայտնեցին, որ ուկրաինական Boeing-ը պատահաբար է խոցվել՝ Ինքնաթիռը թռել է իրանական ռազմական օբյեկտի մոտ, և նրան սխալմամբ «թշնամու թիրախ» են համարել՝ ռազմական հրթիռ: Միևնույն ժամանակ, Իրանը նշել է, որ ԱՄՆ-ից հարձակման են սպասում, որի կապակցությամբ երկրի ՀՕՊ համակարգերը լիարժեք պատրաստության վիճակի են բերվել:

«Հայցվորները հաստատել են, որ Իրանը ահաբեկչություն է իրականացրել՝ խոցելով 752 չվերթի ինքնաթիռը։ Դա ահաբեկչական գործողություն է», - ասել է դատավոր Էդվարդ Բելոբաբան:

Դատարանը որոշել է, որ «հաշվի առնելով բոլոր հավանականությունները»՝ Իրանի հարձակումը կանխամտածված էր: Հաղորդվում է, որ դատարանը այս որոշումը կայացրել է երկու փորձագետների կարծիքի հիման վրա, որոնցից մեկը եզրակացրել է, որ Իրանը գիտեր, որ ինքնաթիռը քաղաքացիական է: Ըստ Global News-ի՝ զոհերի ընտանիքի անդամները կարող են փոխհատուցում պահանջել Իրանից:

По теме В Армению доставлен первый грузовой самолет Boeing 737/400: Пашинян посетил Комитет гражданской авиации В США решили приостановить эксплуатацию Boeing 737 MAX 9 после разгерметизации борта Летевший в Ереван Boeing вернулся в «Шереметьево» из-за проблем с шасси В Нидерландах на женщину упала деталь грузового Boeing На жилой район в Колорадо упали части двигателя Boeing 777