«Կաշին քերթել ենք, տունը դրած է, թող կամիսիան գա ստուգի` ինչով ենք խփել». Կարմիր գրքում գրանցված արջին սպանող. Hetq.am

«Արջը հարձակվել էր մեզ վրա, մեզի ուտում էր, մենք էլ դանակով խփել ենք, բա թողանք մեզի ուտեր, ախպորս ուտեր, աշխատողիս ուտեր»,- ֆեյսբուքյան սոցիալական ցանցում տարածված իր լուսանկարն այսպես բացատրեց Մյասնիկյան համայնքի բնակիչ Բրո Քալաշյանը:

Սոցիալական ցանցում այսօր տարածվել է գորշ արջի սպանելու լուսանկարը, որը հրապարակել է newspress.am-ը, որտեղ դրան սպանող անձինք ժպիտով ցուցադրել են Կարմիր գրքում գրանցված կենդանու կտրված պարանոցը: Մեզ հաջողվեց պարզել, որ դրանք եղայրներ Թեմուր և Բրո Քալաշյաններն են:

Բրո Քալաշյանը (լուսանկարում աջից) Hetq.am-ի հետ հեռախոսազրույցում պատմեց, որ երեք օր առաջ են սպանել արջին` Ալագյազ գյուղի սարերում, որտեղ իրենք անասուններն են տարել, և ընտանիքով էլ ժամանակավորապես այնտեղ օթևանել են: Կենդանուն սպանել են, որովհետև հարձակվել էր իր ընտանիքի անդամների և իր աշխատակցի վրա: Բրո Քալաշյանի խոսքով` արջը թաթերով վնասել է եղբոր գլուխը, իր ձեռքը և աշխատողի հետևից է հարվածել:

Քալաշյանը վստահ է, որ արջը ոչ թե մեկ տարեկան է, ինչպես սոցիալական ցանցում տարածվել է, այլ մեծ` 3 տարեկան:

«Կենդանին անցած ձմեռվա ծնունդ է, առավելագույնը 1.5 տարեկան։ Ձագ է, հասուն չի դեռ»,- վստահեցնում է էկոլոգ Արևիկ Մկրտչյանը:

Հայաստանի Հանրապետության կենդանիների «Կարմիր գրքում» գրանցված գորշ արջ սպանելու համար նախատեսված է պատասխանատվություն ՀՀ քրեական օրենսգրքով` տուգանք՝ նվազագույն աշխատավարձի 400-600-պատիկի չափով կամ կալանք՝ 2-3 ամիս ժամկետով՝ 1-ից 5 միլիոն դրամ վնասի վերականգնմամբ։

Այս մասին Բրո Քալաշյանին հիշեցնելուց հետո, վերջինս նշեց, որ պետությունը իրենց պետք է պաշտպաներ արջից:

«Ջղայնացած եմ պետության վրա, 20 հոգի մարդ կար, 10 երեխա կար, բա իրենց վնասեր: Մերն էլ է ստեղ, պիտի պետությունը գա մեզի պաշտպանի: Վախենում ենք, առանց զենքի, մեզի դակոմենտով զենք էլ չեն տալիս, դանակով ենք պաշտպանվել»,-ասում է Բրո Քալաշյանը:

Մեր հարցին, թե արդյոք արջի մնացորդներն իրենց մոտ են, պատասխանում է. «Կաշին քերթել ենք, տունը դրած է, թող կամիսիան գա ստուգի` ինչով ենք խփել»:

Մանրամասները` սկզբնաղբյուր կայքում

Այս թեմայով Բնություն, արեւայրուք․ Անատի Սաքանյանը՝ ամառային կերպարում Տեսախցիկը նկարահանել է երկու արջերի կռիվը գոմում (տեսանյութ) Բնություն․ Մերի Մակարյանի առօրյա կերպարը Կենդանաբանական այգում կինը նետել է փոքրիկ աղջկան արջի վանդակի մեջ Բնություն, լողազգեստ․ Դիանա Մալենկոն՝ սեքսուալ կերպարում Հայաստանի բացառիկ կենդանական աշխարհը․ գորշ արջերը՝ Վայոց ձորում (լուսանկար) Բնության հետ միաձուլված (լուսանկարներ) Բնության ու քաղաքակրթության հավերժական պայքարը (լուսանկարներ)