Հիմա չհասկացանք ուզում էր վնա՞ս, թե՞ օգուտ տալ. Փաշինյանը՝ Սերժ Սարգսյանի հրապարակած ձայնագրության մասին

«Քաղաքացիական պայմանագիր» կուսակցության նախընտրական ցուցակը գլխավորող, ՀՀ վարչապետի պաշտոնակատար Նիկոլ Փաշինյանը հայտարարեց, որ ՀՀ երրորդ նախագահ Սերժ Սարգսյանի հրապարակած ձայնագրությունը լիովին հիմնավորում է իր իշխանության դիրքորոշումը Լեռնային Ղարաբաղի հակամարտության կարգավորման վերաբերյալ, որի մասին խոսել են ամենատարբեր հարթակներից և ներկայացրել ժողովրդին: Փաշինյանն այս մասին խոսեց Սպիտակ համայնքում բնակիչների հետ հանդիպմանը:

«Նախորդ 24 ժամը Սերժ Սարգսյանը և Հանրապետականները սպառնում էին, որ կոմպրոմատ են հրապարակելու: Եվ երեկ այդ կոմպրոմատ կոչվածը` ձայնագրությունը, որտեղ ես եմ խոսում, հրապարակեցին: Ու հիմա ես ինչքան հետևել եմ արձագանքներին, հանրությունը մի փոքր տարակուսած է: Նրանք հարց են տալիս, թե այս ձայնագրությամբ չհասկացանք՝ Սարգսյանը ուզում էր վնաս տալ Փաշինյանին, թե ՞ օգուտ: Հարցը շատ լեգիտիմ է, որովհետև այն, ինչ հրապարակել է Սերժ Սարգսյանը, լիովին և ամբողջությամբ հիմնավորում է մեր այն դիրքորոշումները, մեր այն պատմությունը, որը վերջին 7 ամսվա ընթացքում ամենատարբեր հարթակներից մենք արել ենք, ներկայացրել ենք մեր ժողովրդին»,- ընդգծեց Փաշինյանը:

ՀՀ վարչապետի պաշտոնակատարը ներկայացրեց Լեռնային Ղարաբաղի հակամարտության բանակցային գործընթացից մանրամասներ՝ նշելով, որ նախորդ իշխանությունից այն ժառանգել է փակուղային, դեֆորմացված վիճակում:

«Եվ որն է եղել ամենակարևոր խնդիրն այդ պահի դրությամբ` եղել է այն, որ միջնորդները, ըստ էության, հետագա զարգացումներին և կարգավորման ճանապարհային քարտեզի վերաբերյալ արտահայտել են այն նույն դիրքորոշումը, ինչ արտահայտել է Ադրբեջանը: Բայց շատ կարևոր է արձանագրել, որ դա 2018 թվականին չի տեղի ունեցել : Դա տեղի է ունեցել շատ ավելի վաղ: Ես խոսել եմ 2016 թվականի հունվարի իրադարձությունների մասին, ասելով, որ միջնորդները Հայաստանին, ըստ էության, պայման են ներկայացրել հրաժարվել Լեռնային Ղարաբաղի միջանկյալ կարգավիճակի գաղափարից, ինչը նշանակում է, որ, ըստ էության, հարցը դրված է եղել այսպես` նախկինում գոյություն ուներ «տարածքներ` կարգավիճակի դիմաց» բանաձև, հետո «տարածքներ` խաղաղության դիմաց» բանաձև, 2016-2018 թվականներին ձևակերպվեց և 2016 թվականի ապրիլյան պատերազմով ամենավերին աստիճանի լրջացավ «տարածքներ` ոչ մի բանի դիմաց» բանաձևը: Եվ մենք 2018 թվականին բանակցային գործընթացը ժառանգել ենք մի իրավիճակում, երբ սեղանի վրա դրված է եղել «տարածքներ ոչ մի բանի դիմաց» բանաձևը: Եվ շատ կարևոր է արձանագրել, որ միջնորդները և միջազգային հանրությունը, ըստ էության, որի վրա երկար տարիներ հույս ենք ունեցել, ահա այդ միջազգային հանրությունը մեր առաջ դրել է խնդիր` վերադարձնել տարածքները ոչ մի բանի դիմաց: Ըստ էության, ես Ազգային ժողովի ամբիոնից էլ եմ ասել, շատ է խոսվում այն մասին, որ «տարածքներ՝ ոչ մի բանի դիմաց» ձևակերպումն ունեցել է «5+2» բանաձև: Իրականում «5+2» բանաձև գոյություն չի էլ ունեցել, որովհետև այդ երկուսը Հայաստանի համար գործընթացն ինչ-որ իմաստով հետաքրքրիր և գայթակղիչ դարձնելու մեջ էր: Եվ այդ երկուսն այն պահեստային հատվածն էր, որով այս տարբերակը պետք է ֆորմալ առումով զիջվեր` այդ լուծումը Ադրբեջանի համար ընդունելի դարձնելու համար»,- նշեց Փաշինյանը:

ՀՀ վարչապետի պաշտոնակատարի խոսքով` հայկական կողմն ուներ իրադարձությունների զարգացման երկու ճանապարհ. առաջինը` «տարածքներ ոչ մի բանի դիմաց» , երկրորդը` ներքին տեղահանվածների անվան ներքո ադրբեջանցիների վերադարձ Լեռնային Ղարաբաղ:

«Այս թեմային էլ եմ բազմիցս անդրադարձել, իսկ որտեղ պետք է վերադառնային` սարերում, անտառներում էին ապրելո՞ւ, ապրելու էին այնտե՞ղ, որտեղ և ապրել էին շարժման մեկնարկից առաջ: Եվ հետո ի՞նչ, հետո ոչ մի բան, հետո կապրենք կտեսնենք, իսկ հետո, երբ ապրում տեսնում ենք, ապրում և տեսնում ենք Նախիջևանը: Հաշվի առնելով պատերազմի ծանրությունը, հաշվի առնելով մեր բազմաթիվ զոհերի առկայությունը՝ ես ամենատարբեր ձևերով պատասխանատու եմ մի հարցի պատասխանելու համար` արդյոք կար մի պատուհան, արդյոք կար մի հնարավորություն, որ մենք որևէ փոխզիջումային լուծման գնայինք և խուսափեինք այս ամենից»,- ասաց Փաշինյանը:

Հունիսի 9-ին ՀՀ երրորդ նախագահը հրապարակել է նախորդ օրը խոստացած ձայնագրությունը, որտեղ Նիկոլ Փաշինյանը փակ հանդիպմանը խոսում է Լեռնային Ղարաբաղի հարցով բանակցությունների ընթացքից:

Այս թեմայով Փաշինյանը մերժել է Ֆրանսիայի նախագահի խնդրանքը․ 168.am Փաշինյանի գլխավորությամբ կառավարությունում տեղի է ունեցել խորհրդակցություն «Եթե մնա Նիկոլը». քաղաքացիների իրազեկման ակցիան ամբողջ Հայաստանով մեկ Փաշինյանը կուսակիցների հետ քննարկել է կրթության ոլորտի բարեփոխումները՝ «Հայրենիքը պետությունն է» հայեցակարգի դիտանկյունից Պետությունը շոու բիզնեսի ներկայացուցիչներից պահանջում է եկամտային հարկ և այս քաղաքականությունը պետք է ընդլայնել․ Փաշինյան Լևոն Շանթի անվան թիվ 4 դպրոցի աշակերտները վանկարկում են «Նիկոլ դավաճան» Աստվածաշունչն ասում է՝ «ամեն իշխանությունն Աստծուց է»․ Փաշինյան (տեսանյութ) Զինվորն ի՞նչ գործ ունի սահմանին կանգնած․ Փաշինյան (տեսանյութ) Լեգիտիմությունն ավելի լավ երաշխավոր է, քան լավ երաշխավորը. Նիկոլ Փաշինյան (տեսանյութ) Ի՞նչ գործընթաց է սպասվում մոտակա օրերին Կիրանցում. Փաշինյանը մանրամասներ է ներկայացրել (տեսանյութ)