Ծառուկյանը սահմանային անվտանգության ապահովման համար կարևորեց ՌԴ-ի հետ համագործակցության խորացումը

«Բարգավաճ Հայաստան» կուսակցության ցուցակը գլխավորող Գագիկ Ծառուկյանը կրկին շեշտեց Ռուսաստանի հետ ռազմաքաղաքական նոր պայմանագրի ստորագրման անհրաժեշտությունը: «Արմենպրես»-ի հաղորդմամբ՝ նա այս մասին ասաց քարոզարշավի շրջանակում Սյունիքում քաղաքացիների հետ հադիպմանը:

Ծառուկյանը վստահեցրեց՝ իր ուզածն է այս վիճակից դուրս գալ, ունենալ հզոր, զարգացող պետություն: «Սա միայն դատարկ խոսքերով չի լինում: Մարդիկ պետք է տիրապետեն, կազմակերպեն, բոլոր ոլորտներում աշխատանք տանեն»,- նշեց նա:

Այնուհետև Ծառուկյանը խոսեց Սյունիքի մարզից՝ նկատելով, որ սյունեցիների առաջնային խնդիրն այսօր սահմանային անվտանգությունն ապահովելն է:

 «Անվտանգություն ապահովելու համար ամենակարևորը մենք պետք է մեր բարեկամ երկրի՝ Ռուսաստանի հետ ռազմաքաղաքական փաստաթուղթ ստորագրենք, որ հայ զինվորը ռուս զինվորի հետ սահմանը պահի, որ մեր սյունեցին հանգիստ քնի, լարված չլինի»,- շեշտեց Ծառուկյանն ու հավելեց՝ այդ դեպքում ճանճ չի կարող անցնել սահմանով:

Նա հավելեց՝ Ադրբեջանն այսօր միայնակ չի պայքարում Հայաստանի հետ, նրա կողքին կանգնած է Թուրքիան: «Դրա համար էլ մեր կողքին պետք է լինի մեր բարեկամ երկիրը՝ Ռուսաստանը….»,- նշեց Ծառուկյանը:

Այնուհետև նա կրկին խոսեց վարկերի խնդրից: Ծառուկյանը հիշեցրեց ազգային համաձայնության կառավարություն ձևավորելու իր՝ ավելի վաղ արած հայտարարության մասին, խոսեց սոցիալ-տնտեսական և այլ խնդիրներից, դրանց լուծման տարբերակներից:

Այս թեմայով ԼՂ-ից տեղահանված անձանց ֆինանսական աջակցության համար պետբյուջեից ավելի քան 48 մլրդ դրամ կհատկացվի Ուղղակի ամաչում եմ հայ ոստիկանների համար. Բագրատ Սրբազան (տեսանյութ) «Հանուն Ալիևի և Ադրբեջանի» օպերացիա են անում Տավուշում, հայ ոստիկանը թուրքի համար ճանապարհ է բացում. Նաիրա Զոհրաբյան (տեսանյութ) Փաշինյանը թուրք-ադրբեջանական ծրագիր է իրականացնում, Աշոտյանին կալանավորել են դրա բացահայտման համար (տեսանյութ) Դեսպանները չե՞ն տեսնում՝ ոստիկանապետություն ենք դառնում, փող են տալիս իբր ժողովրդավարության համար (տեսանյութ) Սա առատ վարձատրությունն է իշխանությանը մատուցած ձեր ծառայությունների համար, Գալստյանը՝ Հակոբյանին Ուսուցիչներ կան՝ ամիսը 25 հազար են ստանում, տնից դուրս գալու համար եք աշխատո՞ւմ, բա էրեխեքի ապագա՞ն Սև բերետավորները դաժան ծեծի են ենթարկել Տավուշի համար պայքարող քաղաքացիներին (տեսանյութ) Քննարկվել են ՀՀ-ՆԱՏՕ ռազմական համագործակցության ծրագրերը Սույն անձն ունի 24 ժամ՝ իր կողմից տարածած ակնհայտ սուտ տեղեկատվության հերքման և զրպարտության համար ներողության հայցման համար