Անհերքելի ապացույց․ Ադրբեջանը գերիներին պահում է քաղաքական սակարկությունների համար․ ՄԻՊ
ԻրավունքՀՀ ՄԻՊ գրասենյակը հրապարակել է Թուրքիայի և Ադրբեջանի նախագահների քննարկումից մի հատված, որից կից գրել է՝ սա անհերքելի ապացույց է այն մասին, որ ադրբեջանական իշխանությունները հայկական կողմի գերիներին պահում են քաղաքական սակարկությունների համար:
«Անհերքելի ապացույց այն մասին, որ ադրբեջանական իշխանությունները`
1) հայկական կողմի բոլոր գերիներին ապօրինաբար պահում են պատանդի վիճակում` քաղաքական սակարկությունների համար.
2)իրականացնում են մարդկանց առևտուր` կատարելով հանցանք.
3)միջազգային հանրությանը շարունակաբար մոլորեցնում են` պնդելով, թե իբր գերիները ահաբեկիչ կամ դիվերսանտ են.
4) գերիների նկատմամբ կազմակերպում են կեղծ քրեական դատավարություններ:
Թուրքիայի և Ադրբեջանի նախագահների այս քննարկումն այն մասին է, որ հայկական կողմի գերիներն Ադրբեջանում ապօրինաբար պահվում են` ինչ-որ ականապատ քարտեզների դիմաց մաս-մաս փոխանակելու համար:
ՀՀ մարդու իրավունքների պաշտպանի աշխատակազմը տեսանյութը թարգմանել է ռուսերեն և անգլերեն ու վերլուծության ենթարկել:
Այն ՀՀ մարդու իրավունքների պաշտպանի պաշտոնական նամակով կուղարկվի ՄԱԿ-ի մասնագիտացված մարմիններին, ԵԱՀԿ, ԵԽ և այլ միջազգային կառույցներին»,- ասված է ՄԻՊ-ի տարածած հաղորդագրության մեջ:
Ամենադիտված 
Հուլիսի 1-ից ՀՀ քաղաքացիները քրեական պատասխանատվություն կկրեն «ուրիշին տհաճություն պատճառելու» համար. փաստաբան
