Իշխող ուժի վարկանիշի անկումը Հանրային ՀԸ-ում հարուցել են անհասկանալի պահվածք. Գելլափի հայաստանյան ներկայացուցչություն

Վերջին մի քանի ամսվա ընթացքում, որտեղ հետազոտության արդյունքներում գրանցվել է իշխող ուժի վարկանիշի անկումը, իշխող վերնախավի և իշխանական կուսակցության ներկայացուցիչների մոտ, ինչպես նաև Հանրային հեռուստաընկերությունում հարուցել են անհասկանալի պահվածք, որը դրսևորվում է մեր կողմից հրապարակած ցուցանիշները կասկածի տակ դնելով: Այս մասին հայտարարություն է տարածել Գելլափ Ինթերնեյշնլ Ասոցիացիայի Հայաստանյան գրասենյակը:

«ՀԱՅՏԱՐԱՐՈՒԹՅՈՒՆ

Ի պատասխան Հ1 հանրային հեռուստաընկերության 18.06.2021 ռեպորտաժին Էմ Փի Ջի ընկերությունը ցանկանում է նշել մի քանի կարևոր փաստ։

2011 թվականին Էմ Փի Ջի ընկերությունը դարձել է հասարակական կարծիքի ուսումնասիրման աշխարհի ամենահեղինակավոր և անկախ կազմակերպություններից մեկի` Գելլափ Ինթերնեյշնլ Ասոցիացիայի պաշտոնական ներկայացուցիչը Հայաստանում և իր բոլոր մամլո ասուլիսների և հրապարակումների ընթացքում նշել է, որ հղումներ կատարվեն հենց Գելլափ Ինթերնեյշնլ Ասոցիացիային: Տվյալ ինֆորմացիան կա և մեր նյութերում և մեր վեբ կայքում:

Զարմանալի է, որ վերջին երկու տարիների ընթացքում նույն հեռուստաընկերությունը մեր կազմակերպության հետազոտության տվյալներով պատրաստել է մի շարք ռեպորտաժներ, որտեղ ներկայացրել է հետազոտության արդյունքում ստացված գործող իշխանությունների բարձր վարկանիշերը: Այդ ռեպորտաժների ընթացքում շեշտադրվել է, որ հետազոտությունները իրականացվել են Գելլափ Ինթերնեյշնլ Ասոցիացիայի հայաստանյան գրասենյակի կողմից և երբևէ կասկածի տակ չի դրվել կազմակերպության հեղինակությունը:

Սակայն վերջին մի քանի ամսվա ընթացքում, որտեղ հետազոտության արդյունքներում գրանցվել է իշխող ուժի վարկանիշի անկումը, իշխող վերնախավի և իշխանական կուսակցության ներկայացուցիչների մոտ, ինչպես նաև Հանրային հեռուստաընկերությունում հարուցել են անհասկանալի պահվածք, որը դրսևորվում է մեր կողմից հրապարակած ցուցանիշները կասկածի տակ դնելով:

https://tinyurl.com/9w6p3mr7

https://tinyurl.com/2nawk788

Էմ Փի Ջի ընկերությունը 2018 թվականին Երևանում կազմակերպել և իրականացրել է Գելլափ Ինթերնեյշնլ Ասոցիացիայի 71-րդ տարեկան համաժողովը, որին մասնակցում էր Գելլափ Ինթերնեյշնլ Ասոցիացիայի անդամ ավելի քան 45 երկրներ։ Ի դեպ, նույն օրերին Վարչապետ Նիկոլ Փաշինյանն ընդունել է Գելլափ Ինթերնեյշնլ Ասոցիացիայի նախագահ Կանչո Ստոյչևի գլխավորած պատվիրակությանը, այդ թվում փոխնախագահ Մայքլ Նիցշեին և հայաստանյան գրասենյակի ղեկավար Արամ Նավասարդյանին:

Համաժողովի բոլոր մանրամասները ներկայացված են և ՀՀ վարչապետի պաշտոնական կայքում և Էմ Փի Ջի ընկերության կայքում, որի հղումը ներկայացված է ստորև։

https://www.primeminister.am/.../Prime-Minister-Nikol...

https://gallup.am/hy/gallup-international-in-parliament/

Այնուամենայնիվ, հույս ենք հայտնում, որ Խորհրդարանական ընտրությունները կանցնեն ազատ և անկախ և այդ դեպքում ընտրությունների արդյունքները էականորեն չեն կարող տարբերվել 18.06-ին մեր կողմից հրապարակված հետազոտության արդյունքներից»,-ասվում է հայտարարությունում:

Այս թեմայով Նիկոլ Փաշինյանը ծանոթացել է «Գառնի տաճարի մերձակա տարածքի բարեկարգում» ծրագրի ընթացքին (տեսանյութ) Հայ ժողովրդի դավաճանն անուն ու ազգանուն ունի, որն սկսվում ու ավարտվում է «ն» տառով. Մարգարիտա Սիմոնյան Ամենահարուստ «հեղափոխական» փոխմարզպետների թոփ 10-ը Հեղափոխական սուտն ու գնաճը «Նոր Հայաստանում» Փաշինյանի թիմակիցները զրոյացնում են վարչապետի «աննախադեպ ցուցանիշները» Հայաստանը պատրաստ է ընդլայնել համագործակցությունը ԱՀԿ-ի հետ․ Փաշինյան Ինչու Նիկոլ Փաշինյանը չի նկատում իր թիմակիցների ստացած ճոխ նվիրատվությունները Հայ-ադրբեջանական սահմանի 12 կմ-ից 7 կմ հատվածում տեղակայման կետերը հստակեցված են, մյուս 5 կմ հատվածի վերաբերյալ աշխատանքները շարունակվում են. Փաշինյան ՔՊ-ն նիստ է անցկացրել, որը վարել է Նիկոլ Փաշինյանը Փաշինյանի հեռացման հարցով ընդդիմության հաջորդ հանրահավաքը տեղի կունենա ապրիլի 11-ին. 24News.am