Ես ու իմ թիմը լինելու ենք «ճնշման խումբ» հաջորդ կառավարության համար. Արտակ Թովմասյան

- Ի՞նչ կանխատեսումներ ունեք ընտրություների հետ կապված:

- Իմ կարծիքով այս ընտրությունների ֆավորիտը «Հայաստան» դաշինքն է:

- Ինչպե՞ս կարելի է խուսափել տարանջատումից ընտրություներից հետո։

-Արտահերթ խորհրդարանական ընտրությունները հնարավորություն են, որպեսզի մենք կարողանանք մաքրվել և ցույց տալ մեր ազգային արժանապատվությունը: Ահա սա պետք է յուրաքանչյուր ՀՀ քաղաքացի գիտակցի և մասնակցի վաղվա ընտրություններին՝ Եռաբլուր այցից հետո՝ ձայն տալով այն ուժին, որը կպահի մեր երկրի անվտանգությունը, խաղաղությունն ու ամբողջականությունը, ինչի համար հերոսներն իրենց կյանքը տվեցին: Ամոթի այս իշխանությունը պետք է հեռանա և ցուցաբերի պետականամետ մտածելակերպ՝ ժողովրդի մի հատվածին փողոց չհանելու, անհնազանդության ակցիաների չդրդելու: Ի վերջո, պետք է հեռանան լուռ ու մունջ՝ այդ վարքագծով վաստակելով մի փոքր հարգանք:

- Հայաստան - Ռուսաստան հարաբերություներ։

-Հայաստանի ռազմավարական գործընկեր ՌԴ-ի հետ անհրաժեշտ են նոր որակի հարաբերություններ: Անցած երեք տարիների ընթացքում` Հայաստանի իշխանությունները հասցրել են հատել բոլոր կարմիր գծերը և անհարգալից վերաբերվել այն գերտերությանը, որը պահում է մեր սահմանները:

- Ինչպե՞ս ապահովել տնտեսական աճ:

- Հայաստանին առաջին հերթին հարկավոր են օրենսդրական բարեփոխումներ և այնպիսի համակարգ, որը զերծ կպահի ներդրողին կամ գործարարին բյուրոկրատական քաշքշուկներից: Հայաստանի հաջորդ վարչապետը պետք է օգտագործի անսպառ ջանք օտարեկրյա ներդրողներ ներգրավելու համար՝ ռազմարդյունաբերության ոլորտից սկսած` մինչև թեթև արդյունաբերություն: Հայաստանի ներքին պոտենցիալը քիչ է, որպեսզի հնարավոր լինի բանակ զինել և երկիրը տանել զարգացման: Այսպես, մի կերպ մաքառելով, ժողովուրդը երկար չի մնա Հայաստանում, մեծ արտագաղթը կանխել է պետք, ինչը հեշտ բան չէ, և հաջորդ կառավարության առաքելություններից մեկն էլ հենց դա է՝ կանգնեցնել արտագաղթը և զինել բանակը:

- Որո՞նք են լինելու Ձեր գործողություները ընտրություներից հետո:

- Իմ հնարավորությունների սահմանում ես ամեն ինչ կանեմ միջազգային խոշոր ընկերություններին Հայաստան հրավիրելու գործում: Ես ու իմ թիմը լինելու ենք «ճնշման խումբ» հաջորդ կառավարության համար, որպեսզի թույլ չտանք ոչ հայամետ կամ ոչ պետականամետ որոշումներ ընդունել: «Երրորդ ուժ» քաղաքացիական նախաձեռնությունը մշտապես հետևելու է քաղաքական ուժերի գործողություններին և տալու է ուղղորդող ցուցումներ երկիրը դեպի զարգացում տանելու համար:

Հիշեցնենք, որ Արտակ Թովմասյանը երեկ հրավիրել էր հրատապ ասուլիս եւ ներկայացրել խնդրահարույց կետեր ընտրական ցուցակներում: Մանրամասները՝ տեսանյութում։

Related Articles At the expense of the «Tovmasyan» Foundation in the basic school No. 143 after. Movses Khorenatsi opened a modern engineering laboratory The Tovmasyan Foundation organized a flash mob on the occasion of the 30th anniversary of the Armenian Army (video) Tovmasyan Foundation: Christmas fair is held Artak Tovmasyan has announced about the unreliability of electoral lists in parliamentary elections Business Relations Council Announcement Armenia citizens' initiative forming "Council for Business Relations" (PHOTOS, VIDEO) Armenian citizens' initiative: We'll be ready to form a coalitional bloc and go to elections The Blessing and the handover of the Crosses of Ashot II the Iron under the sponsorship of Tovmasyan Foundation Artak Tovmasyan calls on the factions to start an impeachment process "I am in debt but to my homeland." Artak Tovmasyan. "Past"