Վենդետա Կոտայքի մարզում. Արամուս գյուղից ծայրահեղ ծանր ախտորոշմամբ հիվանդանոց են տեղափոխվել 2 քաղաքացի

shamshyan.com-ի տեղեկություններով՝  Հայաստանի քննչական կոմիտեի Կոտայքի մարզային քննչական վարչության  Աբովյանի քննչական բաժնում նյութեր են նախապատրաստվում հունիսի 25-ին Կոտայքի մարզում տեղի ունեցած վիճաբանություն-ծեծկռտուք–դանակահարության  փաստով: Այս մասին հայտնում է shamshyan.com-ը:

Այդ օրը՝ ժամը 22:30-ի սահմաններում  «Աբովյան» բժշկական կենտրոնից ոստիկանության  Կոտայքի բաժին ահագանգ է ստացվել, որ   «գագաթային շրջանի սալջարդ վերք, աջ հոնքի սալջարդ վերք, աջ ականջախեցու սալջարդ վերք, վերին վերջույթների  բազմաթիվ սալջարդենր»  ախտորոշմամբ իրենց մոտ է տեղափոխվել մի քաղաքացի:

Ոստիկանները պարզել են, որ հիվանդանոց  տեղափոխվածը Արամուս գյուղի բնակիչ, 27-ամյա  Արշակ Մակարյանն է, ով բժիշկներին հայտնել է որ ավտոտնակում աշխատանքներ կատարելիս վայր է  ընկել: Մինչ ոստիկանները  տաք հետքերով պարզել են դեպքի հանգամանքները, որ նրա ասածը իրականությունից հեռու է, կարճ ժամանակ անց «Աբովյան» բժշկական կենտրոնից հերթական ահազանգն է  ստացվել ոստիկանության Կոտայքի բաժին, որ «կրծքավանդակի  ձախ կեսի, որովայնի աջ թուլակողի, ձախ ուսի շրջանի  կտրած-ծակած վերքեր» ախտորոշմամբ իրենց մոտ է  տեղափոխվել  մի քաղաքացի:

Կոտայքի բաժնի ոստիկանները տաք հետքերով պարզել են, որ տեղափոխվածը Արամուս գյուղի բնակիչ, 23-ամյա Արմեն Հունանյանն է: Բժիշկները ոստիկաններին, այնուհետև հիվանդանոց ժամանած  Աբովյանի քննչական բաժնի քննիչներին ՝ բաժնի պետ Գառնիկ Մաթևոյանի գլխավորությամբ, հայտնել են, որ վերջիններս ի վիճակի չեն կատարվածի մասին բացատրություններ տալու, քանի որ գտնվում են վերակենդանացման բաժանմունքում:  Մինչ բժիշիկները պայքարում էին նրանց կյանքի համար, Կոտայքի բաժնի ոստիկաններն ու Աբովյանի քննչական բաժնի քննիչները  տաք հետքերով պարզել են, որ նույն օրը՝ ժամը 22:00-ի սահմաններում Արամուս գյուղի  կենտրոնական փողոցում գտնվող  մշակույթի տան մոտ  անձանական հարցերի շուրջ ծագած վիճաբանության ժամանակ Ա. Հունանյանը մահակով ծեծի է ենթարկել Ա. Մակարյանին, հարվածելով նրա մարմնի տարբեր մասերին, իսկ վերջինս էլ  դանակով հարվածներ է հասցրել Ա. Հունանյանին: Փաստի առթվ Աբովյանի քննչական բաժնում քննիչի որոշմամբ նշանակվել է դատաբժշկական փորձաքննություն: Գ. Շամշյանի տեղեկություններով՝ սա վենդետա է, քանի որ տարիներ առաջ նրանց ընտանիքների միջև հերթական լուրջ միջադեպն է տեղի ունեցել, որի պատճառով կա հարուցված քրեական գործ և մեկ հոգի կալանավորված անձ կա:

Այս թեմայով Պայքարի 4-րդ օրվա երթն այսօր ավարտվեց Կոտայքի մարզի Չարենցավան քաղաքի Վերածննդի հրապարակում Երևանի Դավթաշեն վարչական շրջանի և Կոտայքի մարզի մի շարք հասցեներում 24 ժամ ջուր չի լինի Խոշոր վթար՝ Կոտայքի մարզում. «Mercedes»-ը «Սևանի գաղութ»-ի մոտ մխրճվել է երկաթե արգելապատնեշների մեջ Կոտայքի ոստիկանապետի դեմ իրավական գործընթաց պետք է սկսել․ պատգամավոր Ավտովթար՝ Կոտայքի մարզում. Նոր Գեղիում բախվել են «Mercedes»-ը, «06»-ն ու տրակտորը Կոտայքի մարզում գտնվող 1 հա հողամասը վերադարձվել է Հայաստանի Հանրապետությանը Երևանի և Կոտայքի մարզի որոշ հասցեներում լույս չի լինի Կոտայքի մարզի «Նուռնուսի միջնակարգ դպրոց»-ում գործարկվելու է էլեկտրական շչակ Արարատի մարզի Լանջազատ գյուղի 5 հողամասերը և Կոտայքի մարզի Գառնի և Հացավան գյուղերի 5 հողամասերը կամրացվեն Պետգույքի կառավարման կոմիտեին Կոտայքի մարզի «Կարենիսի միջնակարգ դպրոց» ՊՈԱԿ-ում գործարկվելու է էլեկտրական շչակ