Ռուսաստանը Գերմանիային է արտահանձնել ադրբեջանցի ահաբեկչին

Ռուսաստանը Գերմանիային է  արտահանձնել է Ադրբեջանի քաղաքացուն, որը կասկածվում է զվարճանքի հաստատության մուտքի մոտ նռնակ պայթեցնելու մեջ, լրագրողներին ասել է Ռուսաստանի ՆԳՆ խոսնակ Իրինա Վոլկը:

«Այսօր Ա.Մ. Լոմոնոսովի անվան Մոսկվայի «Դոմոդեդովո» օդանավակայանում Ադրբեջանի Հանրապետության քաղաքացի Էլշադ Ազիզովին, նույն ինքը ՝ Էլշադ Գուլամմիրզաևին, հանձնեցին Գերմանիայի Դաշնային Հանրապետության իրավապահ մարմինների ներկայացուցիչներին», - ասել է Վոլկը:

«Կասկածյալը գտնվում էր միջազգային հետախուզման մեջ՝ գերմանական Սաարբրյուկեն քաղաքի ոստիկանության կոմիսարիատի հարցումով», - շեշտել է նա:

Գերմանիայի իշխանությունները Ազիզովին մեղադրում են սպանության փորձի մեջ. 2016-ին նա նռնակ է պայթեցրել ժամանցի հաստատության մուտքի մոտ, որտեղ այդ ժամանակ մարդիկ էին գտնվում:

Նախնական տվյալներով՝ հարձակումը տեղի է ունեցել ազգամիջյան բախումների ընթացքում:

«2018-ի հունիսին Նիժնի Նովգորոդի Կանավինսկի շրջանում, ՖԻՖԱ-ի Աշխարհի գավաթի խաղարկության ընթացքում հանրային անվտանգության ապահովման շրջանակներում, Էլշադ Ազիզովը կալանավորվել է երկու ավազակության կասկածանքով: Այս հանցագործությունների կատարման համար Նիժնի Նովգորոդ քաղաքի Մոսկովսկի շրջանային դատարանը նրան դատապարտել էր 3 տարի 6 ամիս ազատազրկման ընդհանուր ռեժիմի գաղութում: Պատիժը կրելուց հետո որոշում կայացվեց ամբաստանյալին հանձնել գերմանական կողմին», - ասել է Վոլկը: