Կամերային երաժշտական թատրոնի դերասանը պահանջում է ԿԳՄՍ փոխնախարար Արա Խզմալյանի հրաժարականը
Наука и культура
Կամերային երաժշտական թատրոնի դերասան Հայկ Պետրոսյանը ֆեյսբուքյան գրառմամբ դիմել է ՀՀ վարչապետ Նիկոլ Փաշինյանին և ԿԳՄՍ նախարարությանը` պահանջելով ԿԳՄՍ փոխնախարար Արա Խզմալյանի հրաժարականը:
«Ես՝ Հայկ Պետրոսյանս, հանդիսանում եմ Պետական Կամերային Երաժշտական Թատրոնի դերասան և հայտարարում եմ ,որ այն ամենը ինչ կատարվում է մեր թատրոնի շուրջ երկակի ստանդարտ դասական դրսևորում է։ Արա Խզմալյանը սիրում է անընդհատ գեղեցիկ շարադրված նախադասություններով հանդես գալ թատրոնների բարեփոխման ծրագրերի շուրջ, սակայն իր գործողությունները փաստում են հակառակը։ Հետևաբար նպատակն ազնիվ չէ։ Բոլորը գիտեն, որ Կամերային երաժշտական թատրոնը առանձին թատերական միավոր է՝ իր վաղուց ձևավորած ավանդույթներով։ Եթե ոլորտը համակարգող փոխնախարարը պաշտպանում է Կամերային թատրոնը ցրելու գաղափարը, ուրեմն նա իրավունք չունի խոսելու երկու պարզ բաներից՝ թատրոնի կառավարումից և թատրոնի հանդեպ ունեցած հոգատար վերաբերմունքից։ Նա ամենասովորական հերթական պատուհասն է հայ թատրոնի գլխին։ Ես պահանջում եմ նրա հրաժարականը, որպեսզի հաջորդ փոխնախարարը հասկանա, որ պետք է հարգել թատերական գործիչների գործունեությունը, ոչ թե գեղեցիկ խոսելով, այլ խելամիտ լուծումներով։ Թատերական համայնքը խաղալիք չէ Խզմալյանի ձեռքերում։ Նա ունի երկու ճանապարհ. կամ կհարգի և հաշվի կնստի մեր կարծիքի հետ կամ հրաժարական կտա։ Մենք ենք տերը մեր թատրոնի, ոչ թե մի պատուհաս փոխնախարար
պահանջում եմ Արա Խզմալյանի հրաժարականը»,- գրել է նա ու դիմել ՀՀ վարչապետ Նիկոլ Փաշինյանին և ԿԳՄՍ նախարարությանը:
Самое популярное 
В Норатусе за сутки погибли двое мужчин – вследствие взрыва и огнестрельного ранения
