Համբերատար սպասելու եմ Փաստաբանների պալատի ընտրված նախագահի քայլերին. Գևորգ Գյոզալյան

ՀՀ փաստաբանների պալատի նախագահի թեկնածու Գևւորգ Գյոզալյանը ֆեյսբուքյան էջում գրել է․

«Ես համբերատար սպասելու եմ ընտրված նախագահի քայլերին, եթե նա կապակուսակցականացնի ՓՊ-ն, ՓՊ-ն զերծ կպահի ցանկացած տեսակի քաղաքական օրակարգեր սպասարկելուց, «Զարթոնք» կուսակցկության նախագահին չի նշանակի ՓՊ դպրոցի տնօրեն կամ ՓՊ-ում այլ պաշտոնի և կհետապնդի բացառապես ՓՊ՝ որպես մասնագիտական կառույցի զարգացման նպատակները, միաժամանակ, ըստ արատավոր սիստեմի, այսօրվանից չի նշանակի իր ժառանգին, ապա ես հրապարակային կծափահարեմ իրեն և հանգիստ կզբաղվեմ իմ գործով:

Հարգելի՛ լրագրողներ, սիրելի ընկերներ, ի պատասխան ձեր բազմաթիվ զանգերի և հարցերի հայտնում եմ, որ փաստաբանական պալատի մասով իմ դիրքորոշումը հետևյալն է.

1) Ես համբերատար սպասելու եմ ընտրված նախագահի քայլերին, եթե նա կապակուսակցականացնի ՓՊ-ն, ՓՊ-ն զերծ կպահի ցանկացած տեսակի քաղաքական օրակարգեր սպասարկելուց, «Զարթոնք» կուսակցկության նախագահին չի նշանակի ՓՊ դպրոցի տնօրեն կամ ՓՊ-ում այլ պաշտոնի և կհետապնդի բացառապես ՓՊ՝ որպես մասնագիտական կառույցի զարգացման նպատակները, միաժամանակ, ըստ արատավոր սիստեմի, այսօրվանից չի նշանակի իր ժառանգին, ապա ես հրապարակային կծափահարեմ իրեն և հանգիստ կզբաղվեմ իմ գործով,

2) Եթե նա կսպասարկի քաղաքական շահեր, չի տարանջատվի ներկայիս ՓՊ նախագահից, նրա ծանրակշիռ քաղաքական ազդեցությունը կթողնի ՓՊ-ում, կշարունակի տարբեր տեսակի քաղաքական հայտարարություններ ստորագրել այն ժամանակ, երբ իշխանությունը թույլ է, իսկ երբ իշխանությունը ուժեղ է «կանցնի ընդհատակ» և կմոռանա «հայրենիքի փրկության մասին», որի արդյունքում ՓՊ-ն ԱՄԲՈՂՋՈՒԹՅԱՄԲ կընկալվի ընդիմադիր կամ իշխանական շահեր սպասարկող ոչ պրոֆեսիոնալների կառույց, ապա ես իմ ջանքերը կդնեմ տարանջատվելու այդպիսի կառույցից:

3) Եթե դժբախտաբար կլինի 2-րդ կետում նշվածը, ապա ես կդիմեմ առնվազն այն 144 փաստաբաններին, ինչպես նաև ընտրություններին չմասնակցած 50+ տոկոս փաստաբաններին  և նրանց կառաջարկեմ մեր ջանքերը կենտրոնացնել ՄԱՍՆԱԳԻՏԱԿԱՆ ՆՈՐ կառույցի ստեղծման գործին, դրանով իսկ հանրությանը ազդակ տալով, որ այս համայնքում կան ոչ միայն կուսակցական օրակարգեր սպասարկողներ, այլ նաև պրոֆեսիոնալներ, ովքեր հավասարապես ներկայացնելով թե իշխանական վստահորդներին և թե ընդդիմադիր վստահորդներին զբաղված չեն նրանց գովքով և չեն սպասարկում նրանց քաղաքական օրակարգերը: Բայց մինչ այդ պետք է հնարավորություն տալ ընտրված թեկնածուին գործելու, քանի որ ես ինքնանպատական քայլեր չեմ անում և մեր բոլորիս նպատակները պետք է ուղղված լինեն մասնագիտական և պրոֆեսիոնալ կառույց ունենալուն:

Հ. Գ. Սրանից ավել այլ մեկնաբանություն չունեմ, ուստի սիրելի լրագրողները խնդրում եմ օգտվեք այս փոսթից և այս հարցով մի զանգեք»,-ասված է գրառման մեջ:

Հիշեցնենք՝ սեպտեմբերի 12-ին կայացած ընտրություններում Փաստաբանների պալատի նախագահ է ընտրվել Սիմոն Բաբայանը:

Այս թեմայով Համաշխարհային առևտրի կենտրոն կկառուցվի. Գևորգ Պապոյանը և Էդուարդ Մարությանը պայմանագիր են ստորագրել Գևորգ Մկրտչյանի և Քրիստինա Հովհաննիսյանի հարսանեկան տանգոն՝ Էրիկի կատարման ներքո (տեսանյութ) Գևորգ Մկրտչյանը և Քրիստինա Հովհաննիսյանը պսակադրվել են (տեսանյութ) Այդ փորձը պիտանի եղավ հայագիտության բոլոր հիմքերը համակարգված խարխլելու «վեհ գործում». Գևորգ Դանիելյան Գևորգ Պապոյանի գլխավորությամբ կայացել է ՓՄՁ ենթախորհրդի հերթական նիստը Գևորգ Պապոյանն ընդունել է «Ամբեր Կապիտալ» ընկերության ներկայացուցիչներին Գևորգ Պապոյանն ընդունել է Չուն Բյունվոնի գլխավորած պատվիրակությանը Գևորգ Պապոյանը ընդունել է Հարավային Կովկասում Շվեյցարական համագործակցության գրասենյակի տարածաշրջանային տնօրենի տեղակալ Վերներ Թութին Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին Գևորգ Պապոյանը մարտի ընդունել է Համաշխարհային բանկի հայաստանյան գրասենյակի ղեկավարի գլխավորած պատվիրակությանը