Հայկ Մարությանը բոյկոտել է Փաշինյանի կազմակերպած «գունագեղ տոնակատարությունը»

Երևանի քաղաքապետ Հայկ Մարությանը իր՝ Անկախության օրվա տարեդարձին նվիրված շնորհավորական ուղերձում մի ուշագրավ հետգրություն է արել` նշելով, որ այս օրերն իր ընտանիքի հետ անցկացնում է Արցախի Հանրապետությունում:

Փաստորեն, Մարությանը դրանով է բացատրում  գունագեղ տոնակատարությանը ՔՊ-ի և Նիկոլ Փաշինյանի կողքին չգտնվելու հանգամանքը: Սակայն, ավելի հավանական է, որ Մարությանը պարզապես կրկին անգամ չի ցանկացել ՔՊ-ի և Փաշինյանի հետ մասնակցել հանրային մեծ միջոցառմանը: Ընդհանրապես վերջին 1,5 տարիների ընթացքում Մարությանը ցուցադրական դիստանցիա է պահում իր քաղաքական թիմից, որն էլ չի թաքցնում իր դժգոհությունը և բացահայտ քաղաքապետի այլ թեկնածուի փնտրտուքների մեջ է: Մարությանն էլ իր հերթին առիթը չի կորցնում հայտարարելու համար, որ հրաժարականի դիմում գրելու որևէ միտք չունի:

Մարությանը չէր մասնակցել նաև Փաշինյանի մարտի մեկյան հավաքին: Ավելին` նա քաղաքապետարանի ռեսուրսները չի ներդրել` այդ  հավաքին «գլխաքանակ» ապահովելու համար: Միեւնույն ժամանակ, ասել է, որ թաղապետարանների վրա ազդեցություն չունի` ինչ կանեն, թող անեն: Մարությանի այսպիսի դիրքավորումը Երեւանի ավագանու իմքայլականների շրջանում բավական «ծանր են տարել»: Ի դեպ Մարությանի բացակայությունը բացատրվեց նրանով, որ քաղաքապետը այդ օրը շատ կարևոր աշխատանքային օրակարգ ուներ:

Ուշագրավ մեսիջ է նաև այն, որ Մարությանը ընդգծում է՝ որտեղ է գտնվում` Արցախի Հանրապետությունում: Գաղտնիք չէ, որ գործող իշխանությունները պատերազմից հետո խուսափում են Արցախ այցելելուց և Մարությանի՝ Արցախում գտնվելու հանգամանքի շեշտադրումը բնավ էլ պատահական չէ:

Այս թեմայով Փաշինյանը մերժել է Ֆրանսիայի նախագահի խնդրանքը․ 168.am Փաշինյանի գլխավորությամբ կառավարությունում տեղի է ունեցել խորհրդակցություն Փաշինյանը կուսակիցների հետ քննարկել է կրթության ոլորտի բարեփոխումները՝ «Հայրենիքը պետությունն է» հայեցակարգի դիտանկյունից Պետությունը շոու բիզնեսի ներկայացուցիչներից պահանջում է եկամտային հարկ և այս քաղաքականությունը պետք է ընդլայնել․ Փաշինյան Աստվածաշունչն ասում է՝ «ամեն իշխանությունն Աստծուց է»․ Փաշինյան (տեսանյութ) Զինվորն ի՞նչ գործ ունի սահմանին կանգնած․ Փաշինյան (տեսանյութ) Լեգիտիմությունն ավելի լավ երաշխավոր է, քան լավ երաշխավորը. Նիկոլ Փաշինյան (տեսանյութ) Ի՞նչ գործընթաց է սպասվում մոտակա օրերին Կիրանցում. Փաշինյանը մանրամասներ է ներկայացրել (տեսանյութ) Եթե Կիրանցի դպրոցն ադրբեջանցիների համար երևալը խնդիր է, կարող ենք ծառ տնկել, պատ կառուցել․ Փաշինյան (տեսանյութ) Կարող է մեր ինքնիշխան տարածքից դիրք դուրս գալ, որովհետև ՊՆ-ն այդ գծի վրա այլևս ծառայություն չի իրականացնելու. Փաշինյան (տեսանյութ)