Մերկելի 16-ամյա իշխանությունից հետո երկիրը նոր կանցլեր կունենա. Գերմանիայում սկսվել են խորհրդարանական ընտրությունները

Иностранный 26 Сентябрь, 2021 16:30

Գերմանիայում սկսվել են Բունդեսթագի ընտրությունները։ Կիրակի օրը տեղական ժամանակով ժամը 08:00-ին ամբողջ երկրում բացվել են ընտրատեղամասերը: Դաշնային վիճակագրական գերատեսչության տվյալներով ՝ ձայնի իրավունք ունեն երկրի մոտավորապես 60,4 մլն բնակիչներ, հենց նրանք կորոշեն խորհրդարանի ապագա կազմը: Ընտրություններից հետո Բունդեսթագում մանդատների բաշխման հիման վրա կձևավորվի նոր կառավարություն՝ նոր կանցլերի գլխավորությամբ:

Ինչպես հաղորդում է ՏԱՍՍ-ը, երկրում օգտագործվում է խառը ընտրական համակարգ, որը համատեղում է մեծամասնական և համամասնական սկզբունքները:

Վերջին չորս ընտրությունների հաղթողը քրիստոնեա-դեմոկրատներն էին, ուստի Մերկելը Գերմանիայի Դաշնային Հանրապետության կանցլեր էր 16 տարի անընդմեջ: Մերկելը ընտրություններից առաջ պաշտոնապես հայտարարեց իր թոշակի անցնելու մասին լուրը:

Ներկա խորհրդարանական ընտրություններին մասնակցում են Գերմանիայի վերամիավորման պահից ի վեր ամենամեծ թվով կուսակցություններ: Դաշնային ընտրական հանձնաժողովի տվյալներով՝ իրենց թեկնածուներին առաջադրել են 47 քաղաքական միավորումներ։ Խորհրդարան մտնելու իրական շանսեր, սակայն, ունեն միայն ՔԴՄ/ՔՍՄ դաշինքը, սոցիալ-դեմոկրատները, «Կանաչները», Ազատ դեմոկրատական կուսակցությունը, «Այլընտրանք Գերմանիայի համար»-ը և Ձախ կուսակցությունը: Բունդեսթագում տեղերի համար կպայքարի ռեկորդային թվով թեկնածու՝ 6 211, այդ թվում ՝ 2 024 կին:

Տեղամասերը կաշխատեն մինչև 18: 00-ը։ Փակումից անմիջապես հետո կհրապարակվեն էքզիթփոլների առաջին տվյալները և կսկսեն ստացվել քաղաքական ուժերի ներկայացուցիչների առաջին մեկնաբանությունները: Գերմանիայի ԿԸՀ-ի նախնական պաշտոնական տվյալները կհրապարակվեն լույս երկուշաբթի գիշերը:

Սոցիոլոգիական ինստիտուտները ծայրահեղ համառ պայքար են կանխատեսում Գերմանիայի Սոցիալ-դեմոկրատական կուսակցության և ՔԴՄ/ՔՍՄ դաշինքի միջև:

Մերկելի իրավահաջորդը համարվում են Արմին Լաշեթը կամ Մարկուս Սոդերը: Եթե հաղթեն սոցիալ-դեմոկրատները, կանցլեր կդառնա Շոլցը: Կանաչների հաղթանակի դեպքում երկիրը կղեկավարի Բերբոկը:

Ընտրություններից հետո կուսակցությունները, նախ և առաջ հաղթողը, կսկսեն նախ զոնդավորող բանակցությունները՝ հասկանալու համար իրենց մրցակիցների պատրաստակամությունը՝ մասնակցելու նոր կառավարությանը, ապա բուն կոալիցիոն բանակցությունները, երբ կետ առ կետ պետք է քննարկվեն այն ծրագրերը, որոնք ընկած են ապագա կոալիցիոն պայմանագրի հիմքում։