Fact Check. ՔՊ-ականները փորձում են քողարկել հերթական ձախողումը ԵԽԽՎ-ում

Аналитический 28 Сентябрь, 2021 21:32

ԵԽԽՎ հայաստանյան պատվիրակությունը երեկ հերթական անգամ ձախողվել է, նստաշրջանի ընթացքում ընդունված զեկույցում տեղ են գտել ձևակերպումներ, որոնք որևէ կերպ հայկական կողմի շահերից չեն բխում:

Միևնույն ժամանակ պատվիրակության իշխանական անդամների կողմից երեկվանից փորձ է արվում ներկայացնել տվյալ զեկույցի հատվածները՝ ընտրովի, տպավորություն ստեղծելով, որ հակահայկական ձևակերպումներ այդտեղ տեղ չեն գտել:

Միևնույն ժամանակ նույն Ռուբեն Ռուբինյանը, չգիտես ինչու, չի ցանկանում հանրությանը ավետել, որ ադրբեջանական պատվիրակությունը առաջարկություն է ներկայացրել բանաձևում Սուրբ Ղազանչեցոց եկեղեցու անվանումը դարձնել Ղազանչեցոց/Ղազանչի: Հայկական պատվիրակությունը դեմ է արտահայտվել դրան՝ նշելով, որ այն կառուցվել է հայերի կողմից` հայերի համար:

Սակայն, առաջարկությունն ընդունվեց ԵԽԽՎ մեծամասնության կողմից` ձայների 80 «կողմ», 18 «դեմ» և 3 «ձեռնպահ» հարաբերակցությամբ: Բավական խնդրահարույց ձևակերպում է առկա նաև փախստականների վերադարձի մասով, զեկույցում նշվում է, որ 650 հազար տեղահանված անձ, ովքեր լքել էին իրենց բնակության վայրը 1991-1994 թվականների պատերազմի ընթացքում ցանկություն ունենալ վերադառնալ այնտեղ: Որտեղի՞ց ԵԽԽՎ-ին նման թիվ, եթե 1989 թվականի հունվարի 1-ի դրությամբ Արցախի բնակչության թիվը կազմում էր 189 հազար մարդ:

Սրանք հարցեր են, որոնց պատասխանը ԵԽԽՎ-ում հայաստանյան պատվիրակության ղեկավարությունը չունի, միևնույն ժամանակ ակնհայտ է, որ վերջիններս փորձում են զեկույցը հանրությանը բավական լղոզված ներկայացնել՝ հերթական ձախողումը թաքցնելու նպատակով: