«Երբ որ քամին հանդարտվի». Արցախի մասին ֆիլմը կներկայացվի «Օսկարի»

Հայկական ազգային կինոակադեմիայի՝ սեպտեմբերի 27-ին տեղի ունեցած նիստում կայացած փակ քվեարկությամբ Ամերիկյան կինոակադեմիայի «Օսկար» ամենամյա մրցանակաբաշխության «Լավագույն օտարալեզու ֆիլմ» անվանակարգում առաջադրվելու համար քվեարկության մասնակիցների ձայների մեծամասնությամբ ընտրվեց «Երբ որ քամին հանդարտվի» (ռեժիսոր՝ Նորա Մարտիրոսյան) գեղարվեստական ֆիլմը։ Այս մասին հայտնում է կինոակադեմիայի ֆեյսբուքյան էջը։

Հայաստանի ազգային կինոկենտրոնի հաղորդմամբ՝ ֆիլմի հերոսը Ալենը`ազգությամբ ֆրանսիացի, օդանավակայանների աուդիտորը, ժամանում է Արցախի Հանրապետության` բոլորովին նոր կառուցված օդանավակայան․ «Ինքնահռչակված, թշնամի պետություններով շրջապատված և ոչ հաստատուն սահմաններ ունեցող այս երկիրը փորձում է ոտքի կանգնել անկախության համար մղված պատերազմից հետո: Ալենը պետք է ուսումնասիրի թե արդյոք վերաբացվելու համար այս օդանավակայանը համապատասխանում է միջազգային նորմերին: Օդանավակայանի աշխատակիցների հետ հարցազրույցների ընթացքում Ալենը հետզհետե հայտնաբերում է մի երկիր, որը որոշ քարտեզների վրա նույնիսկ նշված չի, բայց որը իրականում գոյություն ունի իր բնակիչներով, իր կառավարությամբ, իր համակարգերով, իր մշակութային դաշտով»։

Դերերում են Դավիթ Հակոբյանը, Հայկ Բախրյանը, Արման Նավասարդյանը, Գրեգոար Քոլինը, Նարինե Գրիգորյանը, Վարդան Պետրոսյանը։

Այս թեմայով «Հրապարակ». Որքան են վճարել Հրաչուհի Ութմազյանին ու Համլետ Առաքելյանին՝ «Օսկար» մրցանակաբաշխությունը մեկնաբանելու համար Ալ Պաչինոն խախտել է «Օսկարի» ավանդույթը և ներողություն խնդրել Բիլլի Այլիշը և Մարկ Ռուֆալոն աջակցություն են հայտնել Պաղեստինին «Օսկարի» ժամանակ Ջոն Սինան «Օսկար»-ի բեմ է դուրս եկել ամբողջովին մերկ (լուսանկարներ) Ովքեր են «Օսկար»-ի նոր դափնեկիրները (լուսանկարներ) Մարգո Ռոբին չի նոմինացվել «Լավագույն դերասանուհի» անվանակարգում Հայտնի են «Օսկար 2024» մրցանակի հավակնորդները. հայկական «Ամերիկացին» ցուցակում չի ընդգրկվել Հայուհին նշանակվել է «Օսկար»-ի գլխավոր տնօրեն Հայտնի է՝ ինչու է Թոմ Կրուզը հրաժարվել մասնակցել «Օսկարին» Իննա Սահակյանի «Ավրորայի լուսաբացը» ֆիլմը Հայաստանի պաշտոնական հայտն է «Օսկար»-ի 95-րդ մրցանակաբաշխության «Լավագույն արտասահմանյան ֆիլմ» անվանակարգում