Ինչպես պատահեց, որ «ոչմիթիզականը», «գելխեղդը» ընդամենը 1 տարի անց դարձավ ամեն գնով խաղաղություն մուրացող. Արսեն Ջուլֆալակյան
Блогосфера
Այսօր հաճախ հետևյալ հարցն է հնչում, ֆեյսբուքյան իր էջում գրել է ԱԺ նախկին պատգամավոր Արսեն Ջուլֆալակյանը՝ մանրամասնելով.
«Ինչպե՞ս պատահեց, որ 2018-ի ապրիլից մինչև 2020-ի հուլիս-օգոստոսի «ոչմիթիզականը», «գելխեղդը», «տարածաշրջանում անվտանգություն պարտադրող հզոր գերագույն հրամանատարը», ով տավուշյան լոկալ մարտերը ներկայացրեց որպես հայոց բանակի անպարտելիության և մարտունակության թարմ ապացույց (հիշենք Սարդարապատի աննախադեպ պարգևատրում/միջոցառումը), ընդամենը 1 տարի անց դարձավ ամեն գնով խաղաղություն մուրացողով, ով հանուն այդ «խաղաղության» պատրաստ է զիջել հայրենիքից այնքան, ինչքան կպահանջեն հարևան պետությունները…
Կարծիքս փորձեմ հնարավորինս հակիրճ և մատչելի ներկայացնել.
Ժամանակին լինելով առաջին նախագահի քաղաքական թիմակից և գաղափարակից, մասնակցելով ընտրական տարբեր գործընթացների՝ վերջնականապես համոզվել էր, որ երբ ուղիղ խոսքով առաջարկում ես հանրությանը նման զիջումներով հասնել խաղաղության, պարտվում ես ընտրություններում՝ հավաքելով լավագույնը 1.5%-2% ձայն( տես ՀԱԿ-ի հավաքած ձայների քանակը՝ այդ թվում վերջին ընտրություններին…): Իսկ քանի որ այդ անձի ամբողջ կյանքի միակ երազանքն եղել է իշխանությունը, գնաց այլ ճանապարհով.
Հստակ մշակված քաղ. տեխնոլոգիաների կիրառմամբ խաբեցին հանրությանը՝ անձին ներկայացնելով որպես ազգի անզիջում, ոչմիթիզական, սկզբունքային,հերոս առաջնորդ (միայն խոսքով իհարկե), իրականացվեց այն, ինչին ականատես ենք լինում վերջին 3 տարվա ընթացքում՝ ազգի պառակտում(նույնիսկ ընտանիքների…), բոլոր արժեքների հեղինակազրկում(եկեղեցի, զինվորականություն, գիտական համայնք, տարբեր բնագավառների հեղինակություն ունեցող մարդիկ…), և իհարկե, խայտառակ պարտության կազմակերպում:
Արդյունքում վախ և հուսահատություն ներարկվեց բնակչության մեջ՝ փակելով նոր հնարավոր պատերազմում վերջինիս մասնակցության/դիմադրության ցանկությունը. այդ ամենն իրականացնելուց հետո պարարտ հող առաջացավ կործանարար զիջումներն իրականացնելու և այսպես կոչված «խաղաղության» դարաշրջան բերելու համար՝ այդ ողջ ընթացքում չտեսավարի վայելելով իշխանության տված բոլոր բարիքները, հենց ինչի համար էլ ժամանակին այս ամենն իրականացնելու համաձայնություն էր տվել շատ ավելի մեծ ուժերի»։
Самое популярное 
На первом армяно-казахстанском экспертном круглом столе был подписан меморандум о сотрудничестве (фото)
