Բանից «անտեղյակ» նախարարը. Անահիտ Ավանեսյանը գտել է «մեղավորներին»
Analytical![Բանից «անտեղյակ» նախարարը. Անահիտ Ավանեսյանը գտել է «մեղավորներին»](/timthumb.php?src=disc/14-10-21/8867b9af627d7ffc1229f232d729c14a.jpg&w=780)
Առողջապահության նախարարությունն այսօր հայտարարություն է տարածել՝ անդարադառնալով ամերիկահայ բարերի աղմկահարույց մեղադրանքին: Նախարարությունը, մասնավորապես, նշել է, որ բարերար Մայք Սարյանի կողմից Հայաստանի Հանրապետությանը բժշկական սարքեր և սարքավորումներ նվիրաբերվել են 2017 և 2018 թվականներին, որոնք երկու դեպքում էլ իրականացվել են «Լույս» հիմնադրամի միջոցով։ 2018 թվականին Հայաստանի Հանրապետությանն՝ ի դեմս առողջապահության նախարարության, նվիրաբերվել են բժշկական սարքեր և սարքավորումներ։ Նշած սարքավորումները մաքսազերծվել, պահեստավորվել, գույքագրվել և բաշխվել են ՀՀ ԱՆ Դեղերի և բժշկական պարագաների ապահովման ազգային կենտրոն ՊՈԱԿ-ի կողմից՝ առողջապահության նախարարության համապատասխան ստորաբաժանումների հետ համաձայնեցման արդյունքում:
Տվյալ խմբաքանակի բեռները եղել են թվով 4 հատ` 40 ֆուտանոց բեռնարկղերով, որոնցից 3-ը բաշխվել են 2018-2021 թվականների ընթացքում՝ առավելապես 2018-2019 թվականներին:
Անչափ հետաքրքիր պատկեր է ստացվում, քանի որ 2018-ին ԱՆ նախարար էր Լևոն Ալթունյանը, նրան հաջորդել է Անահիտ Ավանեսյանի թիմակից Արսեն Թորոսյանը: Այդ իսկ պատճառով հետաքրքիր է շեշտադրումը՝ առավելապես 2018-2019 թվականների մասով: Այսինքն` ինչ եղել, չի եղել` եղել է ՀՀԿ-ական նախարարի և Ավանեսյանի թիմակցի օրոք, իսկ ինքը` Ավանեսյանը, նոր է եկել, ոչնչից տեղյակ չէ, ոչնչի մասնակից չէ: Տպավորություն է, որ շատ նուրբ կերպով փորձ է արվում պատասխանատվությունից խուսափել և բոչկա գլորել նախկին նախարարների վրա:
![](banners/armflix.jpg)