Ամերիկյան հեռուստաընկերության եթերում պատահաբար պոռնոֆիլմ են ցուցադրել (տեսանյութ)

Օրերս ԱՄՆ Վաշինգտոնում գտնվող KREM2 հեռուստաընկերության աշխատակիցները հայտնվել են տարօրինակ իրավիճակում, որի պատճառով նրանց կարող է ահռելի տուգանք սպառնալ: Լրատվության հաղորդավարը, ինչպես միշտ, ներկայացրել է օդերևութաբան Միշել Բոսին, որը պետք է խոսեր վաղվա եղանակի կանխատեսման մասին: Աղջիկը նշել է, որ լավ եղանակը կպահպանվի որոշ ժամանակ, սակայն` ոչ երկար: Այնուամենայնիվ, ոչ ոք ուշադրություն չի դարձրել նրա խոսքերին, գրում է Lad Bible-ը:

Նման անտարբերության պատճառ է հանդիսացել պոռնոֆիլմը, որը ցուցադրվում էր Միշելի թիկունքում: Աղջիկն ակնհայտորեն տեղյակ չէր երեկոյան հեռարձակման ընթացքում ծավալված դրամայի մասին: Այնուամենայնիվ, նրա գործընկերները նկատեցին սխալը և արագորեն բացեցին քարտեզն էկրանով մեկ: Նշվում է, որ էրոտիկ ֆիլմը հեռարձակվել է մոտ 10 վայրկյան, բայց դա բավական էր սկանդալի համար:

Խմբագրությունն սկսել է զանգեր ստանալ վրդովված հեռուստադիտողներից, ովքեր եթերում որսացել են 18+ տեսանյութը: Հեռուստաընկերության ներկայացուցիչները ներողություն են խնդրել միաջդեպի համար և վստահեցրել, որ դա այլևս չի կրկնվի: Նրանք քրտնաջան աշխատում են ոստիկանության հետ, ովքեր ուսումնասիրում են կատարվածը: Բացի այդ, KREM2-ին կարող է սպառնալ մեծ տուգանք անչափահասներին պոռնոգրաֆիա ցուցադրելու համար, ովքեր այդ ժամանակ կարող էին հեռուստացույցի մոտ լինել: