Էրդողանը սպառնացել է 10 երկրների դեսպանների վտարել Թուրքիայից

Թուրքիայի նախագահ Ռեջեփ Թայիփ Էրդողանը քննադատել է 10 երկրների դեսպաններին՝ բանտարկված բարեգործ Օսման Կավալային ազատ արձակելու կոչի համար՝ նրանց պահանջն «անպատասխանատու» անվանելով, փոխանցել է AP-ն:

Haberturk-ի փոխանցմամբ՝ Էրդողանը հայտարարել է, որ Թուրքիան գոհ չէ այս դեսպաններից, որոնց թվում են ԱՄՆ-ի, Գերմանիայի եւ Ֆրանսիայի ներկայացուցիչները: «Ես ասացի մեր արտգործնախարարին, որ մենք չենք կարող մեզ թույլ տալ հյուրընկալել նրանց մեր երկրում», - ասել է Էրդողանը: «Արդյո՞ք Թուրքիային դասեր տալը ձեր գործն է»։

10 երկրներ ներկայացնող դեսպաններ այս շաբաթ ավելի վաղ կանչվել են Թուրքիայի ԱԳՆ՝ հայտարարությունից հետո, որը պարունակում էր գործարար եւ բարերար Օսման Կավալայի գործը արդարացի եւ ժամանակին լուծելու կոչ, ով բանտարկված է 2017 թվականից, չնայած նրան, որ դատապարտված չի եղել որեւէ հանցագործության համար:

Երկրների թվում են նաեւ Նիդեռլանդները, Կանադան, Դանիան, Շվեդիան, Ֆինլանդիան, Նորվեգիան եւ Նոր Զելանդիան:

Անցյալ տարի Կավալան արդարացվել է 2013 թվականին համազգային հակակառավարական ցույցերի հետ կապված մեղադրանքներով, սակայն որոշումը չեղարկվել է եւ միացվել 2016 թվականի պետական ​​հեղաշրջման փորձի հետ կապված մեղադրանքներին։

Մարդու իրավունքների եվրոպական դատարանը կոչ է արել նրան ազատ արձակել 2019 թվականին՝ հայտարարելով, որ կալանավորումը նրան լռեցնելու միջոց է եւ չի հաստատվել ապացույցներով: ԵԽ-ն հայտարարել է, որ եթե Կավալան ազատ չարձակվի, նոյեմբերի վերջին Թուրքիայի դեմ դատաքննություն կսկսի:

Այս թեմայով Էրդողանը հայտարարել է, թե Արևմուտքը «հարձակվելու է» Թուրքիայի վրա Էրդողանը բացատրել է՝ ինչու է դադարեցրել առևտուրն Իսրայելի հետ Էրդողանը չեղարկել է իր այցը ԱՄՆ Էրդողանն Իսրայելին մեղադրել է ցեղասպանության մեջ Պարոն Էրդողան, մի փորձեք Սփյուռքը հակադրել Հայաստանին, մենք մի ազգ ենք՝ մի պահանջատիրությամբ. Արամ Ա Էրդողանն Իսրայելին մեղադրել է ցեղասպանություն իրականացնելու մեջ Էրդողանը կարող է թողնել իշխող կուսակցության ղեկավարի պաշտոնը Էրդողանը հայտարարել է Պուտինի հետ պայմանավորվածության մասին Էրդողանն Իսրայելին մեղադրել է սադրանքների մեջ Էրդողանը նամակ է հղել Հռոմի պապին