Սոցիալական փաթեթի շահառուները կկարողանան օգտվել ստոմատոլոգիական ծառայություններից

ՀՀ կառավարությյան հոկտեմբերի 28-ի նիստում հավանություն է տրվել սոցփաթեթի հատկացման կարգում իրականացնել լայնածավալ փոփոխություններ, այս մասին հայտնում են Աշխատանքի և սոցիալական հարցերի նախարարությունից:

Ըստ այդ փոփոխությունների՝ սոցփաթեթի ծախսման ուղղությունները լրացվել են նոր ծառայություններով, որոնք ներկայացվում են ստորև.

Մարզա-առողջարարական և սպորտային համալիրների, լողավազանների և այլ սպորտային կազմակերպությունների ծառայություններից օգտվելու վճարի մարում։ Ծառայությունից կկարողանա օգտվել շահառուն և (կամ) նրա ընտանիքի անմիջական անդամը (ուժի մեջ կմտնի դեկտեմբերի 12-ից):

Առողջապահական փաթեթի մեջ չներառված լրացուցիչ ծառայություններից օգտվելու վճարի մարում, օրինակ՝ ստոմատոլոգիական ծառայություններ (թերապևտիկ և վիրաբուժական)։ Ծառայությունից կկարողանա օգտվել շահառուն (ուժի մեջ կմտնի դեկտեմբերի 12-ից):

Պետական սուբսիդավորմամբ ուսանողական վարկի մարում (ծառայությունից կկարողանա օգտվել շահառուն և (կամ) նրա ընտանիքի անմիջական անդամը):

Նախադպրոցական կրթական ծրագրեր իրականացնող ուսումնական հաստատությունների (մանկապարտեզների, նախակրթարանների) վճարների մարում:

Գույքի ձեռքբերման կամ կառուցապատման նպատակով տրամադրված բոլոր հիփոթեքային վարկերի ամսական վճարի մարում։

Հանվել է սոցփաթեթի ծառայություններից օգտվելու համար նույնականացման քարտը ներկայացնելու պարտադիր պահանջը։

Շահառուների համար նաև սահմանվել է երաշխիք, որպեսզի սոցփաթեթի մեկ շահառու կազմակերպությունից մյուսն աշխատանքի անցնելիս, պահպանվի սոցփաթեթից օգտվելու իրենց իրավունքը։

Վերանայվել է սոցփաթեթի շահառուների ընտանիքի անմիջական անդամների շրջանակը, համաձայն որի՝ ընտանիքի անմիջական անդամ է համարվում նաև շահառուի ծնողը, որդեգրողը, որդեգրվածը, խնամակալության կամ հոգաբարձության տակ գտնվող անձը, տատը, պապը, թոռը, եղբայրը, քույրը։

Առավել հստակեցվել է սոցփաթեթի հատկացման կարգը՝ լուծելով իրավակիրառ պրակտիկայում ի հայտ եկած մի շարք խնդիրներ։

Այս թեմայով Ինքնաշխատ նոր համակարգի միջոցով 20 534 ֆիզիկական անձի վերադարձվել է 647,5 մլն դրամ սոցիալական վճար. ՊԵԿ ՏԿԵ փոխնախարարն ու ՀԲ ներկայացուցիչները քննարկել են ՀՀ սոցիալական ներդրումների և տեղական զարգացման ծրագրի հարցեր Արտակ Ջումայանը հանդիպել է առողջապահության և սոցիալական հարցերի վարչությունների պետերի հետ Անկանխիկ գործարքներից կենսաթոշակի և նպաստի 10% հետվճարից կարող են օգտվել որոշ բանկերի քարտապաններ Քաղաքացիական անհայտ կորածների ընտանիքները սոցիալական աջակցության կշարունակեն ստանալ Նոր ավտոմատ համակարգով ավելի քան 23 հազար քաղաքացու կվերադարձվի շուրջ 747 մլն դրամ սոցիալական վճար «Միայն հարկ վճարելը բավարար չէ». ԶՊՄԿ-ի գործունեության հիմնական բաղադրիչներն են բնապահպանական, սոցիալական և կառավարչական մոտեցումները. «Փաստ» Հայաստանին ու Ադրբեջանին կոչ եմ անում օգտվել հարատև խաղաղություն հաստատելու հնարավորությունից. Ստոլտենբերգ Վանաձորում թալանել են տեղի ստոմատոլոգիական կլինիկան. պատճառվել է մի քանի միլիոն դրամի վնաս Միասնական սոցիալական ծառայության պաշտոնատար անձինք մեղադրվում են կաշառքի և խարդախության մեջ