Ձկնորսության կազմակերպման և իրականացման նոր տեսլականը. Թովմասյան

Հոկտեմբերի 20-ին Գեղարքունիքի մարզի ձկնորսները, որոնք իրենց խաբված էին զգում, ճարահատյալ փակել էին Երևան-Սևան ավտոմայրուղին: Ինձ դիմած ձկնորսների պնդմամբ ձկնորսության սահմանված չափաքանակը շատ փոքր է, ինչը առաջացնում է սոցիալական մեծ խնդիրներ, և բազմաթիվ բնակիչներ կանգնել են իրենց ապրուստի միակ միջոցը կորցնելու վտանգի առջև։ Այս մասին սոցցանցի իր էջում գրել է Ազգային ժողովի մարդու իրավունքների պաշտպանության ու հանրային հարցերի մշտական հանձնաժողովի նախագահ Թագուհի Թովմասյանը։

«Հաշվի առնելով խնդրի հրատապությունը՝ շտապ պարզաբանում պահանջեցի ՀՀ շրջակա միջավարի նախարարից: Ի պատասխան ստացել եմ հարցը նոր ձևով լուծելու նախարարության պատրաստակամության վերաբերյալ տեղեկատվություն։ Նախարարությունը փնտրում է ելքեր՝ խնդիրը նոր տեսլականով կարգավորելու համար։ Մասնավորապես կառաջարկվի ձկնորսության կազմակերպման նոր ծրագիր որսի կազմակերպման ողջ շղթայով՝ կիրառելով համապարփակ մոտեցում ձկան որսից մինչև իրացում: Այն կհանգեցնի աշխատատեղերի ստեղծմանը, զբաղվածությանը և կայուն եկամուտի ձևավորմանը, սոցիալ-տնտեսական և բնապահպանական շահերի հավասարակշռության ապահովմանը, կենսապաշարի կայուն օգտագործմանը, պահպանությանն ու վերարտադրության կազմակերպմանը և այլ կարևոր հարցերի լուծմանը:
Թե նախարարությունը կոնկրետ ինչ առաջարկով է հանդես գալու, դեռ հստակ չէ, բայց հուսամ՝ չի լինի այնպիսի որոշում, որ մեր ձկնորսները կրկին ստիպված լինեն ճանապարհ փակել, քանզի անցյալ անգամ էլ փորձ արվեց խնդիրը կարգավորել, բայց փաստորեն էլի կիսակարգավորում եղավ, որը սոցիալական բունտի վերածվեց:
Խնդիրը լուծում է պահանջում, այլ ոչ՝ հետաձգում․․
Ցանկացած լուծման դեպքում պետք է այնպես անել, որ չտուժեն ո՛չ ձկնորսները, ոչ էլ մեր ազգային հարստություն՝ Սևանա լիճը»։

Այս թեմայով Եվրամիութան դեսպանի հետ քննարկել ենք ՀՀ սահմանների և ներսում առկա իրավիճակ մասին․ Թովմասյան Տեղի ունեցածը բեսպրեդել է, նույնիսկ եթե ՔՊ պատգամավորը ամենադաժան ձևով վիրավորված լինի. պատգամավոր ՌՈ պետը հանձնարարականներ և ցուցումներ է տվել՝ հետագա աշխատանքների կազմակերպման վերաբերյալ ԵԽ անդամ երկրների ներկայացուցիչները քննարկել են Ռեյկյավիկի հռչակագրի իրականացման ընթացքը Մրցույթ՝ ուղղված գիտական նախագծերի իրականացման արդյունավետության խթանմանը Իմ դիմումի հիման վրա ՀՀ քննչական կոմիտեում վարույթ է նախաձեռնվել Նարեկ Սամսոնյանի բռնի ձերբակալության առիթով․ Թովմասյան Հայաստանը վերածվում է հավաքական Արևմուտքի ծայրահեղ վտանգավոր ծրագրերի իրականացման գործիքի. Զախարովա Երթևեկության կազմակերպման փոփոխություն՝ Միկոյան - Գալշոյան փողոցների խաչմերուկում Արտակ Թովմասյանը գրառում է կատարել Հայաստանում ՌԴ դեսպանատանը բացված սգո մատյանում Մարտունիում ու Հրազդանում ներկայացրել ենք ստեղծված ճգնաժամը հաղթահարելու մեր տեսլականը․ Իշխան Սաղաթելյան