Ադրբեջանցին այսօր Գորիս-Կապանում է մաքսակետ դնում, վաղն էլ մեկ այլ տեղ կդնի, վերջիվերջո, արժանապատվություն ունե՞նք, թե՞ ոչ. Արսեն Գրիգորյան

Այսօր՝ նոյեմբերի 11-ին, ընդդիմադիրների կողմից կազմակերպած բողոքի ակցիային մասնակցում էր նաև հայ ժողովրդական երգերի մեկնաբան, ՀՀ վաստակավոր արտիստ Արսեն Գրիգորյանը:

ԼՈՒՐԵՐ.com-ի հետ զրույցում նա ասաց, որ մասնակցում է բողոքի ակցիային, քանի որ հարցեր ունի իշխանությանը՝ Գորիս-Կապան ավտոճանապարհին Ադրբեջանի կողմից մաքսային կետեր տեղակայելու որոշման վերաբերյալ:

«Մեր հողի վրա ինչո՞ւ են ադրբեջանցիները մաքսակետ դնում, երբ նույն կառավարության կողմից հայտարարված սահամանագծումն ու սահմանազատումը դեռ իրականացված չէ: Այդ ո՞վ է որոշում, որ մեր տարածքում ադրբեջանցին իրավունք ունի նմանատիպ քայլի դիմել»,- ասաց Արսեն Գրիգորյանը՝ ընդգծելով, որ իր մոտ տպավորություն է, թե նախապես համաձայնություն կար այդ ամենն իրագործելու:

Վերջինս նշում է, որ թեև Սահմանադրության մեջ նշված է, որ իշխանությունը ժողովրդինն է, այնուամենայնիվ, ժողովուրդը տեղյակ չէ, թե իրականում ինչ է կատարվում. «Մենք կտրված ենք այս ամեն ինչից: Մեր սահմանադրական իրավունքն է իմանալ՝ ինչ է կատարվում և թե ինչ է կատարվելու, որովհետև մենք անընդհատ վատ սպասումի մեջ ենք»,-  նշեց նա:

Բողոքի ակցիա իրականացնողներին Արսեն Գրիգորյանը չցանկացավ բաժանել ընդդիմադիրների և ոչ ընդդիմադիրների միջև, նա ասաց, որ այս ամենն ազգային խնդիր է, հավաքվել են այն մարդիկ, որոնք հետաքրքրված են իրենց վաղվա օրով. «Վերջիվերջո, ուզում ենք հասկանալ, թե ինչո՞ւ է մեր տարածքը մաս-մաս տարբեր տեղերից տրվում Ադրբեջանին, ո՞ւր ենք հասնելու մենք»,- ասաց Արսեն Գրիգորյանը՝ ընդգծելով, որ ԱԽ քարտուղարի հայտարարությունը եկավ ապացուցելու, որ դեռ շատ այդպիսի բանավոր պայմանավորվածություններ կան, որոնք հետզհետե իրականացվում են:

Մեր զրուցակիցն այն կարծիքին է, որ այս պետությունը իրավունք չունի միայն բանավոր պայմանավորվածությունների հիմա վրա տարածքներ զիջելու, ադրբեջանցուն թույլ տալու հայկական հողի վրա անել այն, ինչ ուզում է.. «Ադրբեջանցին այսօր Գորիս-Կապանում է մաքսակետ դնում, վաղն էլ մեկ այլ տեղ կդնի, վերջիվերջո մենք արժանապատվություն ունե՞նք, թե՞ ոչ»,- նշեց Արսեն Գրիգորյանը:

Հիշեցնենք, որ երեկ՝ նոյեմբերի 10-ին, ՀՀ Անվտանգության խորհրդի քարտուղար Արմեն Գրիգորյանը Հանրային հեռուստաընկերությանը տված հարցազրույցում հայտնել էր, որ ադրբեջանական կողմը գիշերը 00:00-ից սկսած, Գորիս-Կապան ճանապարհի հատվածում կիրականացնի սահմանային և մաքսային հսկողության գործառույթ, այսինքն՝ մաքսակետեր կտեղադրի։ 

Մանրամասները՝ տեսանյութում:

Զվարթ Պետրոսյան

Այս թեմայով Հնարավո՞ր է արդյոք լինել Հայ Առաքելական եկեղեցու հետևորդ և աջակցել եկեղեցին քանդող դավաճանական խմբակին. Արսեն Ջուլֆալակյան Սա ազգային և նաև համամարդկային պայքար է, մարդը նվաստացած չպիտի ապրի. Արսեն Գրիգորյան (տեսանյութ) Ռուսաստանում հետախուզում է հայտարարվել Ուկրաինայի ՆԳՆ նախկին ղեկավար Արսեն Ավակովի նկատմամբ Իրավաբանորեն ուժ ունեցող քարտեզի հիման վրա՝ սահմանի նոր նկարագրություն է արվում. Արսեն Թորոսյան Խորը վերլուծություն պետք է արվի, թե ինչու են այս թվերը աճել. Արսեն Թորոսյան Հերիք եղա՛վ, մենք ստի մեջ չպիտի ապրենք. Արսեն Գրիգորյանը՝ Ոսկեպարից (տեսանյութ) Տավուշցիները մեքենայի մեջ նկատել են Մհերի Գրիգորյանին ու Շահին Մուստաֆաևի՞ն․ 168.am Մեր Հայաստանի տարածքները նվիրվում են թշնամուն, սա անարդար ու անօրեն որոշում է. Արսեն Գրիգորյան (տեսանյութ) Մհեր Գրիգորյանն Իրանի դեսպանի հետ քննարկել է սահմանազատման գործընթացի վերջին զարգացումները Կարող են ապօրինի հրաման չկատարել՝ պագոնները հանեն, գնան իրենց տուն. Գրիգոր Գրիգորյան (տեսանյութ)