«Փաստ». «Ապագան» գալիս է «լայն քայլերով»

«Փաստ» օրաթերթը գրում է. «Մինչ թշնամին հերթական ոտնձգություններն է կատարում Հայաստանի սահմանների նկատմամբ, Հայաստանի քաղաքացիները նորանոր այլ խնդիրների նույնպես հանդիպում են՝ մասնավորաբար օր օրի գրպանների պարունակության դատարկվելու տեսքով: «Փաստ» թերթի տեղեկություններով, կիրակի օրը մարդիկ անակնկալի են եկել մասնավորաբար «Երևան սիթիում», երբ հայտնաբերել են, որ մի գիշերվա մեջ, օրինակ՝ հացը հերթական անգամ թանկացել է միանգամից 20 դրամով: Հանգստյան օրերին թանկացել են նաև ծխախոտը և մի շարք այլ ապրանքներ: Երեկ արդեն ահազանգեր ենք ստացել, որ թանկացումների շղթան տարածվել է հանրապետությունով մեկ:

«Իրականում բոլորի համար հասկանալի է, որ արդյունավետ, էական, մեզ համար առաջնահերթ տնտեսական քաղաքականության բացակայության պայմաններում, բնականաբար, պետք է նման գնաճ լիներ: Չզսպվող գնաճը հիմնականում պայմանավորված է տնտեսության շատ վատ վիճակով, իսկ այդ վիճակից այս պահին դուրս գալու առնվազն տեսանելի հեռանկար չկա»,«Փաստի» հետ զրույցում ասաց տնտեսագետ Վարդան Բոստանջյանը: Նա արձանագրեց, որ, փաստորեն, մենք ունենք ցածր եկամուտներ, աղքատության բավականին բարձր մակարդակ և սրընթաց ու չկառավարվող գնաճ:

Ըստ այդմ, Վ. Բոստանջյանը մեզ հետ զրույցում չբացառեց սոցիալական բունտերի հնարավորությունը... Մի խոսքով, ինչպես ասում են, Փաշինյանի խոստացած ապագան գալիս է «լայն քայլերով» ու բոլոր ուղղություններով՝ անվտանգությունից մինչև սոցիալական»:

Այս թեմայով Մեր նպատակն է Հայաստանը դարձնել բարձր տեխնոլոգիական տնտեսություն ունեցող երկիր. վարչապետը հանդիպել է եգիպտացի գործարարներին «Standard and Poor’s»–ը վերահաստատել է ՀՀ սուվերեն BB- վարկանիշը` կայուն հեռանկարով Հայաստանում Տնտեսական ակտիվության ցուցանիշի հավելաճը կազմել է 9.5% Fitch-ը 2024 թվականին Հայաստանում 6% տնտեսական աճ է կանխատեսում Հայաստանի ամենախոշոր հարկատուները ռուսական կապիտալով ընկերություններն են 2023-ին Հայաստանում գրանցվել է 2 տոկոս գնաճ, իսկ միայն դեկտեմբերին՝ 2022-ի դեկտեմբերի համեմատ, գրանցվել է 0,6 % գնանկում ԿԲ-ն սպասում է, որ տարեվերջին կգրանցվի 0-ին մոտ գնաճ Վահան Քերոբյանը Կամարիսում այցելել է ելակի, ազնվամորու և մոշի մշակությամբ զբաղվող ջերմոցային տնտեսություն Ինչ եկամուտներ և ունեցվածք են հայտարարագրել տնտեսական բլոկի պատասխանատուները Հայաստան կժամանի ԳԴՀ տնտեսական համագործակցության նախարարի պետքարտուղարը