Fact check. Փաշինյանի աշխատակազմը կրկին խեղաթյուրել է Պուտինի հետ հեռախոսազրույցի շեշտադրումները

Երեկ ուշ երեկոյան ԱԽ նիստից հետո տեղեկություն տարածվեց, որ վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ: Հեռախոսազրույցից հետո երկու կողմերի տարածած պաշտոնական հաղորդագրությունները համեմատելիս, սակայն, ուշագրավ հանգամանքներ են ի հայտ գալիս: Մասնավորապես, այն, որ Փաշինյանը կրկին Կրեմլի ռելիզից տարբերվող ռելիզ է տարածել:

Դիցուք՝ սա վարչապետի պաշտոնական կայքի տարածած հաղորդագրությունն է:

Սա էլ իր հերթին Կրեմլի պաշտոնական հաղորդագրությունն է

Ինչպես տեսնում ենք՝ հայկական կողմը մոռացել է հիշատակել, որ հեռախոսազրույցի նախաձեռնությունը հենց Փաշինյանինն է, ինչպես նաև մոռացել է ընդգծել, որ ձեռք է բերվել շփումները տվյալ հարցով շարունակելու համաձայնություն: Փոխարենը` հայկական կողմի տարածած հաղորդագրության մեջ խոսվում է Փաշինյանի կողմից՝ ադրբեջանցիների հարձակումը ագրեսիա որակելու և հայ-ռուսական ռազմավարական համագործակցության հույժ կարևորության մասին: Մյուս կողմից էլ վերահաստատվում է հայկական կողմի հավատարմությունը ստորագրած կապիտուլյացիոն ակտի կետերի նկատմամբ:

Հետաքրքիր է՝ մամուլի խոսնակին աշխատանքից ազատած Փաշինյանն այս անգամ ո՞ւմ վրա է բարդելու Կրեմլի պաշտոնական ռելիզից տարբերվող, քծնանքով լի տեքստի զետեղումը վարչապետի պաշտոնական կայքում: 

По теме Формула развития Армении с новой командой и с инновационными подходами. Артак Товмасян Артак Товмасян. Господа, пришло время пробуждения, объединитесь, действуйте ради государства!