Պարեկները հետապնդել եւ բռնել են քաղաքում «ճռռիկներ» անող վարորդներին. նրանցից մեկը «Ճվճվ Արոյի» արդեն հայտնի որդին է

Երեւանում, այսօր՝ նոյեմբերի 23-ին, ՀՀ ոստիկանության պարեկային ծառայության Երևանի գնդի պարեկներն իրականացրել են հատուկ օպերացիա:

Shamshyan.com-ի հաղորդմամբ, պարեկային ծառայությունում մի քանի քաղաքացիներից ահազանգեր են ստացվել, որ մայրաքաղաքի տարբեր փողոցներում BMW 750Li  մակնիշի առանց համարանիշների ավտոմեքենան և նրան ուղեկցող մի քանի ավտոմեքենաներ  չարամտորեն խախտում են ճանապարհային երթևեկության կանոնները, անհարկի ձայնային ազդանշաններ թողնելով: Նույն պահին սկսվել է հատուկ օպերացիա՝ նրանց հայտնաբերելու համար:

Ոստիկանները պարզել են,  թե որ ուղղություններով են նշված անձինք «երթեւեկում» և սկսվել է մի իսկական կինո: Հետապնդումը տևել է գրեթե  3 ժամ, որից հետո վերջիններս մի քանի ավտոմեքենաներով մայրաքաղաքից դուրս են եկել դեպի Երևան-Սևան մայրուղի:

Ի վերջո, պարեկները  նրանց հայտնաբերել են Երևան-Սևան ավտոճանապարհի Կոտայքի մարզի վարչական տարածքում գործող «Բալի» ռեստորանահյուրանոցային համալիրում:

Այդ ընթացքում առանց համարանիշների BMW-ի վարորդը հեռախոսով կապի մեջ  է մտել «Բալի»-ի աշխատակցի հետ ու նրան ասել, որ  համարներից մեկի հեռակառավարմամբ  գործող  մուտքը բացեն, ինչը և կատարվել է, ապա, հասնելով «Բալի»  ռեստորանահյուրանոցային համալիր, մտել է  3-րդ հյուրասենյակ, իսկ նրա  հետ եղած  անձինք էլ ավտոմեքենաները կայանել և բարձրացել են  2-րդ հարկի հյուրասենյակ: Նրանց  թվացել է, թե մոլորեցրել են պարեկներին, սակայն պարեկները ճիշտ հետքի վրա են կանգնել: Նշված համալիրից ոստիկանության Աբովյանի բաժին են բերման ենթարկվել 5 հոգի: Նրանք են՝  28-ամյա Սերժ Վարդանյանը,  24-ամյա Պետրոս Մինասյանը, 29-ամյա Սարգիս Սարգսյանը, 26-ամյա Վոլոդյա Մուրադյանը և 31-ամյա Մ. Պողոսյանը:

Հյուրանոցի համալիրի բակում էլ հայտնաբերվել է BMW X6, Mercedes, Toyota Camry և առանց համարանիշների BMW-ն: Վերջինս, ըստ տեղեկությունների,  վարել է Ս. Վարդանյանը, ով  «Ճվճվ Արոյի» քրեական պատմություններով հարուստ որդին է՝ «Ճվճվի Սերժուլիկ» մականվամբ:

Ըստ տեղեկությունների՝  նա եղել է հետախուզման մեջ՝ ՀՀ քր օր-ի 316 հոդվածի հատկանիշներով և խափանման միջոց էր ընտրվել կալանավորումը: Փաստի առթիվ ոստիկանության Կոտայքի բաժնում նյութեր են նախապատրաստվում:

Այս թեմայով Ձերբակալության մեթոդներից այլևս ոչ մեկը չի վախենում. Կիրանցի օրինակը՝ բոլորին ապացույց (տեսանյութ) Շտապօգնության մասնակցությամբ ավտովթար՝ Արմավիր քաղաքում. բուժքույրը տեղափոխվել է հիվանդանոց Հայտնի են դարձել ԵԱՏՄ ղեկավարների հերթական հանդիպման ժամկետներն ու վայրը Սրբազանը համբուրում է հայտնի արևելագետ Գուրգեն Մելիքյանի ձեռքն ու խոնարհվում (տեսանյութ) Պարեկները ազդանշաններով փորձում են խլացնել դեպի Երևան ընթացող երթի հոգևոր երգերը (տեսանյութ) Հայտնի են դպրոցների ավարտական քննությունների օրերը Իր ժողովրդին ահաբեկողին անդրադառնալու ոչ մի ցանկություն չունեմ. պատերազմը ինքը երևի արդեն պայմանավորվել է. Բագրատ Սրբազան (տեսանյութ) Մենք հայրենիք ունենք փրկելու. գոյության խնդիր է արդեն. Արցախում նահատակված Հայկազ Մկրտչյանի մայր (տեսանյութ) Հայտնի է, թե երբ կմեկնարկի առաջին դասարանցիների տվյալների ստուգման և հայտագրման գործընթացը Բարձաստիճան ՔՊ-ականներն արդեն ուղերձներ են հղում մեզ, թե ինչպես միանան շարժմանը. Բագրատ Սրբազան (տեսանյութ)