Իլոն Մասքը վաճառել Է Tesla-ի ևս 900 միլիոն դոլար գումարի բաժնետոմս

Tesla Inc.-ի հիմնադիր եւ ղեկավար Իլոն Մասքը դեկտեմբերի 13-ին իր ընկերությունում բաժնետոմսերի հերթական փաթեթը վաճառել Է ավելի քան 900 միլիոն դոլար գումարով: Փաստաթղթերի համաձայն, որոնք տրվել են ԱՄՆ-ի արժեթղթերի եւ սակարանների հանձնաժողովում (SES), Մասքը վաճառել Է Tesla-ի եւս 934 հազար 91 բաժնետոմս՝ մոտավորապես 906,49 միլիոն դոլարի դիմաց:

Նա նաեւ իրացրել Է Tesla-ի արժեթղթերի գնման 2,134 միլիոն օպցիոն՝ մեկ բաժնետոմսի դիմաց 6,24 դոլար գնով: Անցյալ շաբաթվա վերջին Մասքը վաճառել Է բաժնետոմսերի նմանօրինակ փաթեթ, որն այդ պահին արժեցել Է գրեթե 1 միլիարդ դոլար: Մասքը նոյեմբերի սկզբին հարցում Է անցկացրել Twitter-ում Tesla-ի իրեն պատկանող արժեթղթերի 10 տոկոսի վաճառքի շուրջ,  եթե նման քայլի օգտին քվեարկեն Twitter-ի օգտատերերը: Քվեարկությանը մասնակցել Է Twitter-ի մոտավորապես 3,5 միլիոն օգտատեր, որոնց շուրջ 58 տոկոսն աջակցել Է արժեթղթերի վաճառքին:

Այդ ժամանակվանից նա իրացրել Է արդեն մոտավորապես 12 միլիոն արժեթուղթ, այդ թվում՝ 9,85 մլրդ դոլարի՝ նոյեմբերին եւ 2,87 մլրդ դոլարի՝ դեկտեմբերին, ներառյալ վերջին գործարքը: Twitter-ում հարցումն անցկացնելուց առաջ Մասքին պատկանում Էր Tesla-ի բաժնետոմսերի ավելի քան 17 տոկոսը, եւ նրա բաժնի արժեքը գնահատվում Էր ավելի քան 200 միլիարդ դոլար, իսկ իր 10-տոկոսանոց փաթեթը՝ գրեթե 21 միլիարդ դոլար: Դեկտեմբերին Tesla-ի բաժնետոմսերն Էժանացել են 5 տոկոսով՝ մեկ արժեթղթի դիմաց հասնելով 966,41 դոլարի, հաղորդել Է հաղորդել Է «Ինտերֆաքս»-ը:

Related Articles Tesla in talks with Reliance for India EV Plant, report says Tesla recalling another 2.2 million vehicles for warning lights that are too small China’s Xiaomi dreams of building a car ‘as good as’ Porsche and Tesla Humanoid robot Tesla Optimus folds T-shirt on table: Its capabilities expand