Մանվել Փարամազյանն ազատ արձակվեց, նրան ծափերով և գրկախառնություններով դիմավորեցին

Քաջարանի քաղաքապետ, «Հայաստան» դաշինքի անդամ Մանվել Փարամազյանն այսօր՝ դեկտեմբերի 18-ին, ազատ արձավեց։ Մանվել Փարամազյանը դուրս եկավ «Դատապարտյալների հիվանդանոցից»։ Հարազատները և ընկերները Փարամազյանին ծափերով և գրկախառնություններով դիմավորեցին։

Ավելի վաղ հայտնել էինք, որ Սյունիքի մարզի ընդհանուր իրավասության դատարանը Մանվել Փարամազյանին գրավի դիմաց ազատ արձակելու վերաբերյալ որոշում էր կայացրել։

Լրագրողների հետ զրույցում Մանվել Փարամազյանը շնորհակալություն հայտնեց իր փաստաբաններին, իրեն սատարող մարդկանց եւ բոլոր քաջարանցիներին։

«Քանի որ ես վեց ամիս մեկուսացված վիճակում են եւ կտրված եմ ամեն ինչից, գործընթացների վերաբերյալ հարցերին կպատասխանեմ։ Ես խոստանում եմ, որ մոտակա ժամանակներում մենք անպայման կհանդիպենք, եւ ես կպատասխանեմ ձեր բոլոր հարցերին»,- նշեց նա։

Մանվել Փարամազյանն ասաց, որ առողջական խնդիրներ ունի։

«Շնորհակալ եմ աշխատողներին հոգատար վերաբերմունքի համար, բայց առողջական լուրջ խնդիրներ ունեմ։ Կարծում եմ, որ երկարատեւ բուժում է պետք»,- նշեց Մանվել Փարամազյանը։

Հիշեցնենք, որ Մանվել Փարամազյանը մեղադրվում է հանցավոր ճանապարհով ձեռք բերված գույքը պարտակելու եղանակներով Արմեն Անդրեասյանին հափշտակելուն օժանդակելու մեջ։ Ըստ մեղադրանքի՝ ՀՀ Քաջարան համայնքի Լեռնագործների 18 հասցեում գրանցված մոլիբդենային, պղնձի եւ այլ գունավոր մետաղների արդյունահանմամբ ու հարստացմամբ զբաղվող «Զանգեզուրի պղնձամոլիբդենային կոմբինատ» ՓԲ ընկերության առանձնապես խոշոր չափերի՝ շուրջ 65, 403, 333 ՀՀ դրամ գույքը, Նվեր Մկրտչյանի եւ Քաջարանի համայնքապետարանի ֆինանսատնտեսագիտական, եկամուտների հաշվառման եւ հավաքագրման բաժնի պետ Վազգեն Ռուշանի Ազարյանի օժանդակությամբ ստացել է առանձնապես խոշոր չափերով կաշառք՝ իր լիազորությունների շրջանակում գործողություններ կատարելու, պաշտոնեական դիրքն օգտագործելով այդպիսի գործողությունների կատարմանը նպաստելու համար:

Բացի այդ, Մանվել Փարամազյանը, Քաջարանի համայնքապետարանի աշխատակազմի համայնքային կառավարման տեղեկատվական համակարգի կառավարող Ռոզա Ստեփանյանի, նույն համայնքի ղեկավարի տեղակալ Զոհրապ Առաքելյանի, ինչպես նաեւ Քաջարանի համայնքապետարանի՝ դեռեւս ինքնությունները չպարզված այլ աշխատակիցների օժանդակությամբ, շահադիտական դրդումներով պաշտոնեական փաստաթղթերում ակնհայտ կեղծ տեղեկություններ մտցնելու եղանակով եւ կեղծ փաստաթղթեր կազմելու միջոցով 2018-2019 թվականների ընթացքում կատարել է պաշտոնեական կեղծիքներ:

Դրանից բացի, Մանվել Փարամազյանը պաշտոնեական դիրքն օգտագործելով, Ռոզա Ստեփանյանի, Զոհրապ Տիգրանի Առաքելյանի, ինչպես նաեւ համայնքապետարանի՝ դեռեւս ինքնությունները չպարզված այլ աշխատակիցների օժանդակությամբ, կատարել է Քաջարան համայնքի՝ իրեն վստահված զգալի չափերով գումարի յուրացում:

Այս թեմայով Սողունի պես մի պառկիր թշնամու առաջ, պատերազմ են պարտադրո՞ւմ, զենքը ձեռքիդ` զոհվիր. Մանվել Եղիազարյան Մենք պետք է այնքան ուժեղ լինենք, որ այդ սյունը հանենք ու տանենք Սումգայիթի մոտ դնենք. Մանվել Եղիազարյան (տեսանյութ) Քննարկվել են Հյուսիս-հարավի Տրանշ-4-ի Սիսիան-Քաջարան հատվածի կառուցման ծրագրի մանրամասները ՀՀ-ն հայտնվեց տերությունների նման դիմակայության արդյունքում ձևավորված մահացու իրավիճակի կենտրոնում. Մանվել Սարգսյան Վերսկսվել են Ագարակ-Քաջարան հատվածի մոբիլիզացման և պայթեցման աշխատանքները «Ես զիջել գաղափարը չեմ ընկալում. ուզելով հո չի, բայց տվող էլ պետք ա լինի չէ՞». իշխանություններին ձեռնտու չէր Մանվել Գրիգորյանի ողջությունը «Բարի, հոգատար, հրաշալի ընկեր, մարդ, ով ոչ մի պատերազմից «բացակա» չունեցավ». hրամանատար Մանվել Խաչատրյանն անմահացել է 2022 թ. սեպտեմբերի 13-ին Ջերմուկում. «Փաստ» Քննարկվել են Հյուսիս-հարավ ճանապարհի Տրանշ-4-ի Քաջարան-Ագարակ հատված կատարած այցի արդյունքները «Հյուսիս-հարավ»-ի Քաջարան-Ագարակ հատվածում կատարվող շինաշխատանքների շուրջ քննարկում է տեղի ունեցել Ըմբշամարտի ԵԱ․ Հայաստանի նորեկ Մանվել Խաչատրյանը՝ բրոնզե մեդալակիր