«Կապրիզնիություն» անողին նե՜նց կապտակեմ. Վոլոդյա Գրիգորյանը դեռ փնտրում է կնիքը և աշխատասենյակի բանալին

Փարաքարում կրքերը չեն հանդարտվում: Համայնքի նախկին ղեկավարը՝ Դավիթ Մինասյանը, մինչ այսօր չկա՝ փակել է աշխատասենյակի դուռն ու իր հետ վերցրել կնիքը: Այս մասին ԼՈՒՐԵՐ.com-ի հետ զրույցում ասաց «Ապրելու երկիր» կուսակցության կողմից ներկայացված համայնքապետի թեկնածուն կամ գուցե նաև արդեն համայնքի ղեկավարը:

Ինչպես հայտնել էինք երեկ, Փարաքարում դեկտեմբերի 20-ին տեղի ունեցած ավագանու անդրանիկ նիստից հետո «Դավիթ Մինասյան» դաշինքի համայնքապետի թեկնածու Դավիթ Մինասյանը և «Ապրելու երկիր» կուսակցության թեկնածու Վոլոդյա Գրիգորյանը ֆեյսբուքյան իրենց էջերում հայտարարել են, որ ընտրվել են համայնքի ղեկավարներ:

Ըստ Վոլոդյա Գրիգորյանի՝ ղեկավարը հենց ինքն է և ինքն ու իր թիմակիցները պատասխանատվություն չեն կրում նրա համար, որ «Քաղաքացիական պայամանագիր» կուսակցությունը և «Դավիթ Մինասյան» դաշինքը չեն ներկայացրել անհրաժեշտ փաստաթղթերը և նիստը վարողը չի ընդունել իրենց թեկնածուների անունները. «Իրավական ճանապարհով պայքարելու ենք մեր իրավունքի և ձայների համար: Նիստին մասնակցել են առանց փաստաթղթերի. դա ո՛չ իմ խնդիրն է, ո՛չ ժողովրդի, իրենք իրենց մեջ պետք է հասկանան՝ այդ փաստաթուղթը որտեղ էին տարել, որ չէին կարողանում ներկայացնել նիստը վարողին: Իրականությանը նայում եմ այնպես, ինչպես որ կա, ունենք 49 տոկոս և նշանակված ընտրության օր, ավագանու անդամները և նիստը վարողը ներկա էին »,-իրավիճակը ներկայացրեց նա:

Վերջինս նշեց, որ այդ երկու ուժերը նիստը վարողից ընդմիջում էին խնդրել, որ կարողանան գնան անհրաժեշտ փաստաթղթերի հետևից, բայց նորից վերադարձել են առանց որևէ փաստաթղթի. «Տրամադրվել է 20 րոպե ընդմիջում, ժամանակը անցել է, բայց նրանք չեն ներկայացել, հայտարարվել է, որ զբաղեցնեն իրենց տեղերը, քանի որ ժամանակը լրացել է և նիստը պետք է շարունակվի: Նրանք չեն ներկայացել, կրկին հայտարարվել են կուսակցության անունները, որ զբաղեցնեն իրենց տեղերը և «ՔՊ» կուսակցության ավագանու 2 անդամ ներկայացրել են իրենց հանձնաժողովի հաշվետուի անունը և ընթացակարգով նիստը շարունակվել է: Կեսից վարագույրների ետևից հայտնվել է այդ ուժերի անդամների մի մասը, այնուհետև մյուս կեսն է հեռախոսով խոսելով մտել նիստերի դահլիճ, այսպիսի «բարդակային» վիճակ էր: Արդեն իմ թեկնածությունը դրված է եղել այդ ժամանակ, իրենք բոլորը թողել դուրս են եկել դահլիճից, չգիտեմ, թե դա ինչ վերաբերմունք էր»,- պատմում է Վոլոդյա Գրիգորյանը՝ հավելելով, որ ինքը պատրաստ էր անգամ պարտության, քանի որ գիտակցում է՝ պարտությունն էլ է մարդու համար:

Փարաքարում  ավագանու «Ապրելու երկիր» կուսակցության անդամների կողմից ընտրված Վոլոդյա Գրիգորյանը՝ երեկվանից փորձում է հասկանալ, թե որտեղ է աշխատասենյակի բանալին և կնիքը. « Այսօր չեմ գնացել աշխատանքի, պատրաստվում եմ վաղվա իմ երդմնակալության արարողությանը, որից հետո արդեն կգնամ աշխատավայր, եթե չլինի կնիքը և դուռը շարունակի փակ մնալ, օրենքի սահմաններում կդիմեմ կտրուկ քայլերի»,- նշեց նա:

Հարցին, թե որը կլինեն իր հաջորդ քայլերը, եթե Դավիթ Մինասյանն էլ, իրեն համայնքի ղեկավար համարելով, ներկայանա իր երդմնկալության արարողությանը, մեր զրուցակիցը պատասխանեց. «Ի՞նչ հիմքով պետք է մասնակցի երդմնակալության արարողությանը: էլի մարդիկ կան, որ սահմանից եկել են ֆիդայական շորերով ու իրենք իրենց նշանակել են համայնքի ղեկավար, հիմա ի՞նչ, իրենք էլ պետք է ղեկավարե՞ն: Եթե ինչ-որ մեկը կապրիզնիություն անի կամ պրինցիպով փորձի շարժվի՝ նենց ապտակ կհասցնեմ, որ չգիտեմ՝ ինչ կստացվի»,- շեշտեց Վոլոդյա Գրիգորանը:

Անդրադառնալով բնակիչների բողոքի ակցիային՝ նա նշեց, որ իրենց բողոքի ձայնն են բարձրացնում և համայնքում բոլորը իրար ճանաչում են. «Սա մի գյուղական համայնք է, որտեղ բոլորս իրար ճանաչում ենք, իրենց համար էլ է շատ տխուր այս փաստը, որ 49 տոկոս հավաքած թեկնածուն կարող է չանցնել, փոխարենը հնարավոր է անցնի վերջին տեղ ընկած 20-22 տոկոսանոց ձայն հավաքածը»,- ասաց Վոլոդյա Գրիգորյանը: 

Մեր այն դիտարկմանը, որ ստեղծված իրավիճակից տուժում են միայն համայնքի բնակիչները, նա վստահեցրեց, որ շատ շուտով բոլոր այդ հարցերը կկարգավորի. «Ես խոստանում եմ՝ մեր բնակիչները թույլ չեն տալու անօրինություն, կարծում եմ տարբեր միջոցների կդիմեն, որովհետև պատրասկամությունը տեսնում եմ, բոլորը ուզում են իրենց քվեն պաշտպանել: Կլինեն մարդիկ, որոնց անունները կհնչեն այս ամենի մեջ և բազմաթիվ փակագծեր կբացվեն»,- եզրափակեց Վոլոդյա Գրիգորյանը:

Զվարթ Պետրոսյան

Այս թեմայով Մեր եզդիական համայնքի եղբայրները մեզ հետ են, գալիս էին նաև Կիրանց, Ոսկեպար. Բագրատ Սրբազան (տեսանյութ) Թբիլիսիում վերսկսվել են բողոքի ցույցերը խորհրդարանի դիմաց (տեսանյութ) Ստախոս մի եղիր, դատախազ, չես կարողանո՞ւմ, գնա, ՔՊ-ն քեզ ընտրեց, որ քրգործերը բացես․ բողոքի ակցիա Եթե մենք հաշտ լինեինք Տավուշում կատարվող իրավիճակի հետ, կուսակցություն չէինք հիմնի, սա ինքնանպատակ չի (տեսանյութ) Քաղաքացիների իրազեկման ակցիան՝ Արմավիրում (լուսանկարներ) ՀԻՄԱ․ «Ոտքի կանգնեք, հակառակ դեպքում` Երեւանը կարող է կրկնել Ստեփանակերտի ճակատագիրը». ակցիա` մայրաքաղաքում Դու շnւն ես, հայրենասեր չես. Հովհաննես Դավթյանը իր ներկայացման ժամանակ ակցիա արած երիտասարդին (տեսանյութ) «Հայրենիքը բոլորիս կարիքն ունի»․ իրազեկման ակցիա (տեսանյութ) Բռունցքդ վեր` հանուն Տավուշի․ ակցիա՝ ԱԺ–ի դիմաց (լուսանկարներ) «Դավաճանը հայրենիք է հանձնում»․ ակցիա՝ Օպերայում, ներկա է նաև Տիգրան Ավինյանը (տեսանյութ)