«Ընկերովի մահը հարսանիք է». գերությունից վերադարձած մայոր Նարեկ Երեմյանը ևս կալանավորվեց

Գերությունից վերադարձած մայոր Նարեկ Երեմյանին 2 ամսով կալանավորելու որոշում է կայացվել:  Այս մասին ԼՈՒՐԵՐ.com-ի հետ զրույցում ասաց Նարեկ Երեմյանի փաստաբան Կարմեն Պողոսյանը՝ նշելով, որ Վերաքննիչ քրեական դատարանը բավարարել է դատախազի բողոքը: Նա ասաց՝ պատրաստվում են բողոք ներկայացնել Վճռաբեկ դատարան։

Փաստաբանի խոսքով՝ դատախազի ներկայացրած բողոքի հիմնավորումներն անհիմն են. «Հայաստանում արդարադատությունը մեռնում է: Մյուս կողմից էլ ժողովրդական ասացվածք կա՝ «ընկերովի մահը հարսանիք է», ոչինչ, մենք չենք տխրում: Սակայն, Հայաստանը խժռում է իր զավակներին: Ամեն ինչ անում են, որ վերադարձած գերիները մնան կալանքի տակ: 

Փորձելու ենք օրենքի սահմանում ամեն գնով պայքարել:  21 օր գերության մեջ գտնված, խոշտանգված, ծեծված, Հայաստան վերադառնալու մեծ հույսով ադրբեջանական գերության մեջ ապրածին բերել Հայաստան ու կալանավորել` իմ կարծիքով անմարդկային է», - նշեց նա:

Հարցին, թե քաղաքական ենթատեքստ տեսնո՞ւմ է կատարվածում՝ փաստաբանը չցանկացավ պատասխանել. «Ապագան ցույց կտա՝ ինչ ենթատեքստ կա: Ես իրենց քաղբանտարկյալ չեմ համարում: Կարծում եմ՝ սա ժամանակավոր է»,- եզրափակեց Պողոսյանը:

Հիշեցնենք, որ  Նարեկ Երեմյանը մեղադրվում է ՀՀ ՔՕ 365-րդ հոդվածի 3-րդ մասի (մարտական հերթապահություն կամ մարտական ծառայություն կրելու կանոնները խախտելը) հատկանիշներով։ Նա ընդունում է իրեն առաջադրված մեղադրանքը: Նշված քրգործով կալանավորված 5 զինծառայողի սպառնում է 3-7 տարվա ազատազրկում, իսկ գումարտակի բարոյահոգեբանական ապահովման գծով տեղակալ, մայոր Նարեկ Երիմյանին՝ 3-8 տարվա ազատազրկում։

Սոնա Հարությունյան

Այս թեմայով Եվրոպական հանձնաժողովի գլխավոր տնօրենը կայցելի Հայաստան Մարսելի արքեպիսկոպոս կարդինալը ժամանել է Հայաստան Փաշինյանը Բլինքենի հետ քննարկել է Հայաստան-Ադրբեջան խաղաղության գործընթացը Հայաստան ամրոց-պետությունն իր առջև պետք է առաջնային խնդիր դնի ձևավորելու արժանապատիվ զինվորականության դաս. Վարդան Ոսկանյան ՀՀ իշխանությունները հայտարարել են, որ Պուտինին չեն «ձերբակալի», եթե նա գա Հայաստան «Նույնն ա, որ թշնամու մոտ գերի ընկնես և ստիպողաբար ուղերձ հղես»․ Աբգար Պողոսյան Հայաստանում մայիսի 1-ից կգործի փաթեթավորված խմելու ջրի պարտադիր դրոշմավորման պահանջը «Իրավունք». Լեո Նիկոլյանի վիճակն օր օրի վատթարանում է, իսկ նրա մուտքը Հայաստան շարունակում է փակ մնալ Քննարկվել են Հայաստան-Սիրիա միջխորհրդարանական հարաբերությունների ընդլայնման հեռանկարները Քննարկվել են Հայաստան-Չեխիա ռազմատեխնիկական համագործակցության ընթացքը և զարգացման հեռանկարները