Նորակոչիկին ստիպել են մաքրել զուգարանը, դաժան ծեծի ենթարկել․ ահազանգ հարազատներից

Սկանդալային դեպք Կապանի զորամասերից մեկում։ Irakanum.am-ին ահազանգած ժամկետային զինծառայող Վլե Ֆերոյանի հարազատները ահազանգում են, բանակ զորակոչված իրենց ազգականին դաժան ծեծի են ենթարկել, ստիպել մաքրել զուգարանները։ Մասնավորապես մեզ հայտնեցին, որ հունվարի 31-ին բանակ զորակոչված Վլե Ֆերոյանին (ազգությամբ եզդի) զորամասի հրամանատական կազմը նսեմացրել և ծեծի է ենթարկել, որից հետո զինվորը դիմել է փախուստի։ «Քֆուր են անում երեխուն, առավոտից մինչև  իրիկունը երեխուն չեն կերցնում, ճաշարան չեն թողում, որ գնա, իրան դուրսն են պահում, ասում են մինչեւ ավել չանես, դու կազառմա չես մտնի։ Էդ երեխեն մինչև մեկը դուրսն է մնում, էնտեղ չաստում դաժե պուլպուլակ է լինում, մոտիկանում է, որ ջուր խմի, չեն թողում։ Ժամը մեկից հետո տուն է զանգում, ու ասում է, որ իրավիճակն էդպես է այնտեղ, դրանից հետո երեխուց խաբար չունենք»,- մեզ հայտնեց զինծառայողի հորեղբայրը։ Նա ասաց, որ դեպքը տեղի է ունեցել երեկ, փետրվարի 1-ին։ «Ամսի 31-ին տարել են բանակ, ամսի մեկին արդեն էդ ամեն ինչը եղել է։

«Կարանտինի կամբատն է եղել՝ Արմեն Ավագյանը։ Իրա զորամասի հրամանատարը՝ Ցոլակ Խաչատրյանն էլ է իրան կանչել, ասել է, քեզի հրաման են տվել դու պիտի կատարես, եթե չկատարես, ես ինքս ամբողջ զորքին ոտքի կհանեմ ու դու պիտի ամբողջ զորքի դեմը ավել անես, զուգարանը մաքրես»,- պատմեց զինվորի ազգականը։

Վլե Ֆերոյանի հետ միաժամանակ հինգ նորակոչիկ է եղել։ Մեզ ահազանգած քաղաքացին պնդեց, որ ծեծի են ենթարկվել նաև այդ նորակոչիկները։ «Վեց երեխա են եղել էնտեղ, բռնում տփում են, մեր տղեն հրաժարվում է ավել անել, բռնում մինչև մեկը դուրսն են պահում»,- ասում է Վլե Ֆերոյանի հորեղբայրը։

Երեկվանից նորակոչիկից հարազատները որեւէ տեղեկություն չունեն։ «Էսօր խաբար ենք ստանում կամանդիրի կողմից, թե թող վերադառնա ամեն ինչ նորմալ կլինի, ռազմական բան չենք ասի։ Սաղ օրը երեխուն կաբինետներով քաշ են տվել, ասել են, որ ինքը պետք է մաքրի»,- ասաց հարազատը։

Այս պահին նորակոչիկների հարազատները Ապարանից շարժվել են դեպի Երևան։ Գնալու են Պաշտպանության նախարարություն։ Նրանց են միանալու նաև նույն օրը բանակ զորակոչված մյուս հինգ զինծառայողների հարազատները։

Irakanum.am

Լուսանկարները հրապարակել ենք հարազատների համաձայնությամբ։

Այս թեմայով Իմ հարազատներից մեկի տունն ա էղել, նվիրել են ինձ, իմ պլանների մեջ սենց տուն չի էղել. Գասպարյան ԱԱԾ-ում քննարկվել է անհետ կորած, գերեվարված անձանց հարազատներից ստացված դիմումների ընթացքը Ներկայանալով որպես ադրբեջանցի՝ գորիսեցի տղամարդը թրաֆիքինգի է ենթարկել պատերազմում անհետ կորած զինծառայողների՝ իգական սեռի հարազատներին Զինծառայողի հարազատներից խարդախությամբ խոշոր չափերով գումար հափշտակելու հերթական դեպքն է բացահայտվել