Կամավոր ատեստավորում անցած ուսուցչի դրույքաչափը կարող է բարձրանալ մինչև 200 հազար դրամ

Պետությունը նպատակ ունի կամավոր ատեստավորում անցած ուսուցիչների դրույքաչափը բաձրացնել մինչև 200 հազար դրամ, հետո նոր դիտարկել հավելավճարի սահմանումը:

Այս մասին ասաց ՀՀ կրթության, գիտության, մշակույթի և սպորտի փոխնախարար Ժաննա Անդրեասյանը ԱԺ գիտության, կրթության, մշակույթի, սփյուռքի, երիտասարդության և սպորտի հանձնաժողովի նիստում «Հանրակրթության մասին» օրենքում փոփոխություններ եւ լրացումներ կատարելու մասին օրենքի նախագծի քննարկմանը:

Փոխնախարարը ներկայացրեց առաջինից երկրորդ ընթերցմամբ քննարկման ընթացքում կատարված հիմնական փոփոխությունները: Հստակեցվել է ուսուցիչների հերթական և կամավոր ատեստավորումների գործընթացը: Առաջին ընթերցմամբ քննարկմանը նշվել էր, որ կամավոր ատեստավորման գործընթացում ՀՀ կառավարության սահմանած կարգով ցուցաբերած արդյունքը հիմք է ուսուցչի դրույքաչափի փոփոխության և 5 տարի ժամկետով հավելավճարի սահմանման համար: «Մենք առաջինից երկրորդ ընթերցում հստակեցրել ենք, որ կամավոր ատեստավորման արդյունքում դրույքաչափը կփոխվի: Նպատակ ունենք դրույքաչափը դարձնել մինչև 200 հազար դրամ, և դրա վրա նոր դիտարկել հավելավճարի սահմանումը»,- ասաց փոխնախարարը:

Կառավարությունը քննարկել է նաև պետական ուսումնական հաստատության գործունեության ղեկավարման ձևաչափը՝ մասնավորապես ուսումնական գործընթացի և վարչատնտեսական գործընթացի մասով: «Եվ հստակ ամրագրել ենք, որ պետական ուսումնական հաստատությունում վարչատնտեսական գործընթացի կառավարումն իրականացնում է ուսումնական հաստատության համակարգողը կամ լիազոր մարմնի կողմից պատվիրակված իրաբանական անձը՝ օրենսդրությամբ սահմանված կարգով: Այստեղ կարող ենք խոսել նաև իրավաբանական անձանց կողմից նշված գործառույթի իրականացման հնարավորությունը, փորձելու ենք սա հստակ առաջ տանել՝ որպես աշխատանքների իրականացման հիմնական ձևաչափ՝ չխոսելով առանձին անձանց ներգրավման օրինաչափ տարածվածության մասին»,- ասաց Անդրեասյանը:

Խմբագրական փոփոխություններից մեկով էլ հստակեցվել է, թե որ դեպքերում է, որ կարող է քննարկվել տնօրենին անվստահություն հայտնելու հարցը: Ամրագրվել է, որ զարգացման ծրագրի ձևաչափն ու պահանջները պարունակելու են նաև հստակ կատարողական ցուցանիշներ: Եվ խորհուրդը կարող է այդ ցուցանիշների չապահովման պարագայում քննարկել անվստահության հարցը:

Այս թեմայով Տանել չեմ կարող սուտը, չեմ կարող դիմանալ, երբ տեսնում եմ, թե ինչպես է կործանվում երկիրը Փաշինյանը թող մեզ գնդակահարի, կալանավորելով չի կարող կանգնեցնել (տեսանյութ) «Ոչ մեկը և ոչինչ չի կարող հետ պահել մեզ՝ մեր երազանքների և իղձերի իրականացումից»․ Բագրատ Սրբազան Մենք կարող ենք բանակին ասել՝ 44 օր կռվի, բայց մի 14 օր պատրաստ չենք մասնակիցը լինել խաղաղ ակցիաների. Վահե Հովհաննիսյան Արմավիրի մարզում բացվել է Սիմոն Մարտիրոսյանի անվան ծանրամարտի մարզադպրոցը. ծրագրի ընդհանուր արժեքը կազմել է 581.6 մլն դրամ Ես վստահում եմ Սրբազանի գլխավորած շարժմանը. էսքան մարդ չի կարող «ռուսի ագենտ» լինել. քաղաքացի Վանաձորի թիվ 3-րդ պոլիկլինիկայի նախկին ավագ բուժքույրը նախկին տնօրենին և ավագ բուժքրոջը մեղադրում է «քովիդի» ժամանակ 10 մլն դրամ հափշտակելու մեջ Որևէ տեսակի ուժ չի կարող Հայոց փառավոր հոգին ընկճել, մենք Տավուշից ենք գալիս դեպի այստեղ. Սրբազան (տեսանյութ) Մինչև հասնենք հրապարակ, պետք է իշխանությունները մտածեն, թե ինչ են անելու. Բագրատ Սրբազան (տեսանյութ) Թակ տղուս պատերազմ էի ուղարկել, ընկերներ եմ կորցրել, ու անիմա՞ստ, չի կարող տենց լինել (տեսանյութ)