Եթե մենք բոլորս անարգանքի սյանը չգամենք այդ Արսեն Ավագյան կոչվող տականքին, ուրեմն արժանի չենք ազգ, ժողովուրդ կոչվելու և պետություն ունենալու․ Իշխանյան
Блогосфера
Այսօր, արցախյան պայքարի 34 ամյակի օրը, համացանցում տարածվեց ոմն Արսեն Ավագյանի գրառումը։ Սույն տականքը ամենանողկալի հերյուրանքներն է տարածում արցախցի մեր քույրերի և եղբայրների մասին։ Այս մասին ֆեյսբուքյան իր էջում գրել է իրավապաշտպան Ավետիք Իշխանյանը։
«Ուղղակի աներևակայելի է, թե ինչ աստիճանի գարշամտածողություն պետք է ունենա, մարդը, այն էլ՝ հայ , այսպիսի տողեր գրելու համար։ Կարդում ու մտածում ես, թե ինչպիսի բարքերի անկում է ապրում մեր հասարակությունը։ Նման մտածողություն ունեցողներ ազգին, ժողովրդին արտաքին թշնամի պետք չէ, քանի որ այս մտածողությամբ մենք ինքներս կործանում ենք մեր պետությունը և մեր ապագան։
Շատերն այս գրառման մեջ տեսնում են ատելության խոսք և դիմում իրավապահներին։ Բան չունեմ ասելու։ Բայց անկեղծ ասեմ, առանձնապես ինձ չի հետաքրքրում, թե ինչ արձագանք կունենա իրավապահների համար սույն գրառումը։ Խնդիրն այն է, որ այս գարշագրառումը հավանության է արժանացել հազարավոր և տարածվել հարյուրավոր անձանց կողմից։ Խնդիրը շատ ավելի լուրջ է, քան կարելի է պատկերացնել։
Եվ վերջապես, արդյո՞ք սա պատահական երևույթ է, որն իր կարծիքն է հայտնել, թե՞ սա իբր անհատ անձնավորության դիմակի տակ թաքնված պաշտոնական քարոզչություն է։ Եթե մենք բոլորս անարգանքի սյունին չգամենք այդ Արսեն Ավագյան կոչվող տականքին և նա այլևս անհարմար չզգա նույնիսկ փողոց դուրս գալու, ուրեմն արժանի չենք ազգ, ժողովուրդ կոչվելու և պետություն ունենալու»,- գրել է Իշխանյանը։
Самое популярное 
Архиепископ: Алиев с включенной в машине песней «Нолду Пашинян» разъезжает по Арцаху
