Սահմանին ներմուծման գործընթացը 2-3 օրվա փոխարեն կտևի 2-3 ժամ, անգամ ավելի քիչ. Բադասյան

Հայաստանը պետական սահմանին տարբեր մարմինների կողմից իրականացվող հսկողությունը օպտիմալացնում է և ներդնում է «մեկ պատուհանի սկզբունքը, մարտի 24-ին Կառավարության նիստի ժամանակ այս մասին ասաց Պետական եկամուտների կոմիտեի նախագահ Ռուստամ Բադասյանը։

ՊԵԿ նախագահը հիշեցրեց, որ այս պահին հինգ մարմին է ներկայացված պետական սահմանում՝ Ազգային անվտանգության ծառայության սահմանապահ զորքերը, մաքսային ծառայությունը, ՍԱՏՄ-ն, Ոստիկանությունը և տրանսպորտային գործառույթի մասով նախատեսվել էր նաև տեսչական մարմնի ներկայությունը։

«Փոփոխություններից հետո սահմանային կետում կմնա երկու մարմին՝ Մաքսային մարմինը և ԱԱԾ սահմանապահ զորքերը, որոնք պետական մարմինների գործառույթների վերաբաշխմամբ կիրականացնեն սահմանային կետում վերահսկողությունը։ Մասնավորապես, մաքսային մարմինը կիրականացնի մաքսային գործառույթները և ՍԱՏՄ-ի մասով փաստաթղթային հսկողությունը,  ՍԱՏՄ-ի կողմից այլ անհրաժեշտ հսկողությունները կիրականցվեն արդեն ՀՀ պետական սահմանից ներս։ Բնականաբար, մյուս մարմինների գործառույթները կբաշխվեն մաքսային մարմնի և ԱԱԾ սահմանապահ զորքերի միջև»,- ասաց Բադասյանը։

«Նշեմ, որ այսօր օրակարգում ընդունեցինք չզեկուցվող երկու հարց, որոնք վերաբերվում էին  նախնական հայտարարագրման դեպքում մաքսատուրքի հետաձգմանը և ավտոմատացված բացթողնմանը։ Թե զեկուցվող, թե չզեկուցվող նախագծերի ընդունման նպատակը հետևյալն է, որպեսզի սահմանային կետի հատումը տնտեսվարողի կողմից իրականացվի հնարավորինս սեղմ ժամկետում»,- ընդգծեց Բադասյանը։

ՊԵԿ նախագահը նաև ներկայացրեց, թե նախքան հայտարարագրման համակարգի գործարկումը ինչ իրավիճակ էր և ինչ իրավիճակ է հիմա։

 «Սահմանային կետ հասնելուն պես տնտեսվարողը սահմանային կետը հատում էր մի քանի ժամերի ընթացքում, որից հետո տարանցման հայտարարագրով հասնում էր տերմինալ և հետագա բոլոր գործառույթները իրականացնում էր տերմինալում։ Այսինքն՝ միջինում 2-3 օր տնտեսվարողը ծախսում էր ներմուծման գործընթացի վրա, որպեսզի ապրանքների բացթողումը տեղի ունենա։ Հիմա մենք ունենք 13 սուբյեկտ, ովքեր օգտվել են նախնական հայտարարագրման համակարգից և ունենք աշխատակազմ, որը 24/7 ռեժիմով սպասարկում է նախնական հայտարարագրերը։ Արդյունքում՝ 20 դեպքով արդեն գործընթացը տևում է 2-3 օրվա փոխարեն 2-3 ժամ։ Եվ ամենառեկորդային ժամաքանակը բացթողնման դեպքում կազմել է 32 րոպե։ Հիմա աշխատանք է տարվում այս համակարգը լայնորեն կիրառելու համար և, երբ Ազգային ժողովում ընդունվելուց հետո զեկուցվող հարցերի փաթեթը մտնի ուժի մեջ, կունենանք էտալոնային մոդելով աշխատող սահմանային կետ, այս 2-3  ժամը կրկին կկրճատվի մի քանի անգամ։ Արդյունքում կունենանք ծախսերի խնայողություն տնտեսվարողների համար և ժամանակի խնայողություն։ Նշեմ, որ տերմինալներում, օրինակ՝ միջինում 25 հազարից մինչև 200 հազար դրամ կարող էին ծախսել 2-3 օրվա ընթացքում։ Իսկ հիմա 2-3 ժամվա ընթացքում սահմանային կետից ապրանքը բաց է թողնվում»,- եզրափակեց Բադասյանը։

Այս թեմայով Սահմանային փոփոխություններից հետո Տեղի «Շոռ ջուր» աղբյուրը հայտնվեց սահմանից 1 կմ հեռավորության վրա ՀՀԿ-ն եղել է պայքարի խրամատում, շարունակելու է մնալ պայքարի ամենաթեժ կետերում. Տիգրան Աբրահամյան (տեսանյութ) Իշխանությունը հավանական սահմանային սադրանքը փորձում է ջարդել շարժման առաջնորդ Բագրատ Սրբազանի վրա. Տիգրան Աբրահամյան Հայաստան–Ադրբեջան սահմանին տեղադրվել է թվով 35 սահմանային սյուն Կիրանցը զրկվելու է իր հիմնական ճանապարհից․ Տավուշում սահմանային փոփոխությունների հեռանկարները. Թաթոյան (տեսանյութ) ՌԴ ԱԳՆ-ն մեկնաբանել է Հայաստանի և Ադրբեջանի միջև առաջին սահմանային սյան տեղադրումը Պետական ​​սահմանի մոտ 10-12 կմ-ն արդեն կարելի է սահմանազատված համարել. Ալիև Արցախի հայաթափումից հետո ներկայիս մտահոգիչ ծանր իրավիճակ է ՀՀ սահմանային տարածքներում․ Վեհափառ Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը Բնակիչները միառժամանակ փակել են միջպետական 3 ճանապարհ` Օձուն-Ալավերդի և Բավրայի սահմանային անցակետի հատվածում. ապակենտրոն ակցիային մտադիր են միանալ վանաձորցիներն ու գյումրեցիները