«Ադրբեջանցիները ներխուժել են ռուս խաղաղապահների աչքի առաջ»․ Փաշինյան

«Պետք է տեղեկացնեմ, որ Փառուխի ճգնաժամը ծագել է պայմանավորվածությունների խախտման արդյունքում»։ Այս մասին այսօր՝ մարտի 31-ին, կառավարության նիստում ասաց ՀՀ վարչապետ Նիկոլ Փաշինյանը:

«Տարածաշրջանում լարվող իրադրությունը թուլացնելու համար ձեռք էր բերվել պայմանավորվածություն Փառուխ-Խրամորթ հատվածից մի շարք դիրքեր հայելային կերպով հանելու վերաբերյալ։ Այս պայմանավորվածությունը պետք է երաշխավորեր Ռուսաստանի խաղաղապահ զորախումբը։ Հայկական մի քանի դիրքեր ետ են քաշվել, Ռուսաստանի խաղաղապահները տեղակայվել են նշված հատվածում, սակայն նրանց աչքի առաջ ադրբեջանցիները ներխուժել են խաղաղապահների պատասխանատվության գոտի։ Մենք ցավով ենք արձանագրում սա ու այն, որ չնայած ՌԴ ՊՆ-ի, ԱՄՆ, Ֆրանսիայի, ՄԱԿ-ի հստակ հայտարարություններին՝ ադրբեջանական զինված ստորաբաժանումների զինված ներխուժումը ԼՂ-ում ՌԴ խաղաղապահ զորախմբի պատասխանատվության գոտի այսօրվա դրությամբ շարունակվում է»,- նշեց վարչապետը: 

Նիկոլ Փաշինյանը ընդգծեց՝ ակնկալում են, որ ԼՂ-ում ՌԴ խաղաղապահ զորախումբը կոնկրետ քայլեր կձեռնարկի ադրբեջանական ստորաբաժանումների դուրսբերումը խաղաղապահների պատասխանատվության գոտուց ապահովելու և 2020 թավականի նոյեմբերի 9-ի եռակողմ հայտարարությամբ արձանագրված ստատուս քվոն վերականգնելու համար։

«Ակնկալում ենք նաև, որ ներխուժման ընթացքում ու դրանից հետո խաղաղապահ զորախմբի ներկայացուցիչների գործողությունները, կամ հնարավոր անգործությունն արժանանան պատշաճ քննության։ Եկեք չմոռանանք, որ այս իրադարձություններից առաջ ադրբեջաբական ուժերը 10 օր շարունակ ականանետային կրակ էին բացում։ ԼՂ մի շարք գյուղերում հրաձգային զենքերով կրակում էին ու կրակում են բնակելի տների ու գյուղատնտեսական աշխատանքներ իրականացնող, մարդկանց, տեխնիկայի ուղղությամբ։

Նման դեպքեր են արձանագրվել Նոր Շեն, Ամարաս, Թաղավարդ գյուղերի ուղղությամբ, իսկ 2021 թվականի հոկտեմբերի 9-ին Մարտակերտում գյուղատնտեսական աշխատանքներ իրականացնող տրակտորիստ է սպանվել տրակտորի ղեկին, ադրբեջանցի դիպուկահարի կողմից, խաղաղապահների ներկայությամբ։

Այս գործողությունների ակնհայտ նպատակը ԼՂ հայության էթնիկ զտումների քաղաքականությունն ավարտին հասցնելն է»,-եզրափակեց Նիկոլ Փաշինայնը:

Այս թեմայով Նիկոլ Փաշինյանն ընդունել է ՀԲ-ի և Միջազգային ֆինանսական կորպորացիայի ղեկավարությանը Վահագն Չախալյանը և ևս 4 հոգի ձերբակալվել են՝ կառավարության մոտ ակցիա իրականացնելիս. ՔԿ Նիկոլ, չե՞ս ամաչում, էսքան ոստիկան բերել ես որ ի՞նչ, հեռացի'ր. ակցիա` կառավարության շենքի դիմաց (տեսանյութ) Կառավարության պարագլուխը վախի մեջ է. ոստիկանական ուժերը հսկում են նրան. Գառնիկ Դանիելյան (տեսանյութ) ՈՒՂԻՂ․ Փաշինյանը վարում է կառավարության նիստը Ոստիկանական ուժերը գալիս են նաև բեռնատարներով, կառավարության շենքի մոտ վահանավոր ոստիկաններ են (տեսանյութ) ՈՒՂԻՂ․ Բագրատ սրբազանի կոչով հավաք` Կառավարության շենքի դիմաց Դանիայի Թագավորությունում Նիկոլ Փաշինյանին դիմավորեցին «Ամո՜թ» վանկարկումներով (տեսանյութ) Ձեզ կեղեքել են, չեն թողել կրթվեք. Նիկոլ Փաշինյանը խաբել է. Մաս 207. «Ժողովուրդ» Պուտինը Կրեմլում շնորհավորել է կառավարության նոր կազմին