Վրաստանի արտգործնախարարը հրաժարական է տվել

Վրաստանի փոխվարչապետ, արտաքին գործերի նախարար Դավիդ Զալկալիանին լքել է պաշտոնը և տեղափոխվում է ԱՄՆ՝ զբաղեցնելու դեսպանի պաշտոնը։ Այդ մասին երկուշաբթի օրը ճեպազրույցում հայտարարել է հանրապետության վարչապետ Իրակլի Ղարիբաշվիլին, գրում է ՏԱՍՍ֊ը։

«Փոխվարչապետ, արտաքին գործերի նախարար Դավիթ Զալկալիանին նշանակվել է ԱՄՆ-ում Վրաստանի արտակարգ և լիազոր դեսպան»,- ասել է Ղարիբաշվիլին։

«Կառավարության և իմ անունից ցանկանում եմ շնորհակալություն հայտնել պարոն Դավիթ Զալկալիանիին ԱԳ նախարարի պաշտոնում կատարած աշխատանքի համար»,- հավելել է Վրաստանի վարչապետը։

Կառավարության ղեկավարը արտաքին գործերի նոր նախարար է նշանակել Իլյա Դարչիաշվիլիին, ով նախկինում աշխատել է՝ որպես Վրաստանի կառավարության վարչակազմի ղեկավար։ «Արտաքին գործերի նախարարի պաշտոնում ցանկանում եմ ձեզ ներկայացնել կառավարության վարչակազմի այժմ նախկին ղեկավար պարոն Իլյա Դարչիաշվիլիին»,- եզրափակել է նա։

Զալկալիանին Վրաստանի արտաքին գործերի նախարարն է 2018 թվականի հունվարից։ Մինչ այդ՝ նա ԱԳ փոխնախարարն էր։ 2021 թվականի հունվարին Զալկալիանին դարձավ կառավարության փոխվարչապետ։

Այս թեմայով Ռուսաստանի հետ դժվար կլինի, բայց դա անհրաժեշտ է․ Վրաստանի արտգործնախարարը՝ «3 +3» ձևաչափի մասին Վրաստանը պատրաստ է ցանկացած ձևով նպաստել տարածաշրջանում խաղաղության հաստատմանը Վրաստանի ԱԳՆ-ն հերքում է ադրբեջանական լրատվամիջոցի տեղեկությունը