Իվան Ուրգանտը վաճառում է Ռուսաստանում իր անշարժ գույքը

Հեռուստահաղորդավար և շոումեն Իվան Ուրգանտը, ով անցած շաբաթ Իսրայելում անցկացրած հանգստից վերադարձել է Ռուսաստան, վաճառում է Մոսկվայում իր ունեցվածքը։ Այս մասին հայտնում է «ВЧК-ОГПУ» Telegram-ալիքը։

Telegram-ալիքի տվյալներով՝ Իվան Ուրգանտը բանակցել է Մոսկվայում իր բնակարանների և Մոսկվայի մարզում էլիտար առանձնատան վաճառքի շուրջ։ Բացի այդ, հեռուստահաղորդավարը, իբր, մտածել է Իսրայելում կամ Վրաստանում տուն գնելու մասին։

Ալիքի տվյալներով՝ Ուրգանտն Իսրայել է մեկնել ոչ թե արձակուրդի, այլ որպեսզի իր ընտանիքի անդամները դիմեն քաղաքացիություն ստանալու համար։ Ինքը՝ հեռուստահաղորդավարը, ըստ լրատվամիջոցների, 2018 թվականից Իսրայելի քաղաքացիություն ունի։

Որդու` Իսրայելի քաղաքացիության մասին լուրերը մեկնաբանել է նրա հայրը՝ Անդրեյ Ուրգանտը։

«Ես ոչինչ չեմ կարող ասել Իսրայելի քաղաքացիության մասին, պարզապես չգիտեմ: Դա մեզ մոտ արգելվա՞ծ է։ Այսօր յուրաքանչյուր մարդ, եթե ունի հնարավորություն և ցանկություն, կարող է ստանալ ցանկացած երկրի անձնագիր»,- ասել է նա Woman.ru-ին։ Նա նշել է, որ այլ երկրի անձնագրի առկայությունը կամ բացակայությունը ոչինչ չի նշանակում, և պետք է նայել ոչ թե փաստաթղթերին, այլ մարդու գործողություններին։

«Թեև ես նույնիսկ չեմ կարող հստակ ասել, թե արդյոք նա Իսրայելի քաղաքացիություն ունի։ Հիմա Իվանը Ռուսաստանում է, դրանով ամեն ինչ ասված է»,- հավելել է Անդրեյ Ուրգանտը:

Այս թեմայով ՀՀ նախագահն ընդունել է ուռուցքաբան, ակադեմիկոս Իվան Ստիլիդիին Մոսկվայի եկեղեցում մերօրյա «Իվան Կարապետ» Դոն Պիպոն խաչակիրներ է հավաքագրում, որ գա մեզ փրկի պարսիկներից. ենթադրում եմ նորից Մեղրին թուրքին տալու գնով Զելենսկին ցանկանում է աշխատանքից հեռացնել իր մանկության ընկերոջը Իվան Տելեգինը մեղադրել է Պելագեային բռնության մեջ Իվան Ուրգանտը վերադառնում է Ռուսաստան Իվան Ուրգանտը աշխատակազմի հետ մեկնել է Գերմանիա Իվան Դորնը հրապարակել է հուզիչ տեսանյութ Բուչայում տեղի ունեցած ցեղասպանությունից Իվան Ուրգանտը լքել է հայրենիքը Շուշիում ադրբեջանցի վանդալները քանդել են Իվան Թևոսյանի հուշարձանը «Հայրիկը ամեն ինչ կարող է անել»․ Ուրգանտը նմանակել է Լուկաշենկոյին (տեսանյութ)