42 համարի երթուղու՝ դանակահարված վարորդի կյանքը հաջողվել է փրկել. վնասված էր սիրտը
ОбществоՀունիսի 9-ի առավոտյան «Սուրբ Գրիգոր Լուսավորիչ» բժշկական կենտրոն է ընդունվել սրտի ծակած-կտրած վերքով միջին տարիքի տղամարդ: Պացիենտը եղել է գիտակցության, ծայրահեղ ծանր վիճակում: Շտապ և անհետաձգելի բուժօգնության ընդունարանում կատարվել են համալիր հետազոտություններ, որից հետո քաղաքացին տեղափոխվել է կրծքային վիրաբուժության բաժանմունք՝ վիրահատության:
Բժշկական կենտրոնից տեղեկացնում են, որ 42 համարի երթուղու՝ դանակահարված վարորդի կյանքը հաջողվեց փրկել. վնասված էր սիրտը:
Հիշեցնենք, որ Հունիսի 9-ի առավոտյան ոստիկանության Նոր Նորքի բաժնում հաղորդում ստացվեց. «Սուրբ Գրիգոր Լուսավորիչ» բժշկական կենտրոնից հայտնեցին, որ կրծքավանդակի ձախ կեսի կտրած-ծակած վնասվածքով 65-ամյա տղամարդ է տեղափոխվել հիվանդանոց։
Բուժհաստատություն մեկնեցին օպերատիվ-քննչական խմբեր։ Դեպքի առթիվ քրեական գործ հարուցվեց՝ սպանության փորձի հատկանիշներով։ Նոր Նորքի քրեական հետախույզները, համագործակցելով Ավանի բաժանմունքի ծառայողների հետ, ձեռնարկեցին օպերատիվ-հետախուզական միջոցառումներ:
Պարզվեց՝ տուժողն ավտոբուսի վարորդ է։ Երթուղում նրա և ուղևորներից մեկի միջև վեճ էր սկսվել։ Միկոյան փողոցում նրանք իջել էին ավտոբուսից, ապա ուղևորը դանակահարել էր վարորդին։ Նոր Նորքի քրեական հետախույզները օպերատիվ կերպով պարզեցին կասկածվողի ինքնությունը։
Երևանի Շենգավիթ համայնքի բնակիչ, 55-ամյա տղամարդը նույն օրը հայտնաբերվեց ու բերման ենթարկվեց բաժին։ Նա ներկայացվել է քննչական մարմնին ու ձերբակալվել։ Հանգամանքները նախաքննությամբ պարզվում են։
Самое популярное 
Международный день джаза в Ереване отметят праздничными концертами
