ԱՄՆ-ն մոտենում է Ռուսաստանի հետ առճակատման վտանգավոր գծին․ ԱՄՆ֊ում ՌԴ դեսպանը զգուշացնում է
Всемирная пресса
ԱՄՆ-ում Ռուսաստանի դեսպան Անատոլի Անտոնովը հայտարարել է, որ Վաշինգտոնն ավելի ու ավելի է ներքաշվում Ուկրաինայի հակամարտության մեջ և մոտենում է Մոսկվայի հետ առճակատման վտանգավոր գծին։ Այս մասին նա հայտարարել է դիվանագիտական առաքելության Telegram ալիքում՝ մեկնաբանելով Ուկրաինային ռազմական օգնության նոր փաթեթի վերաբերյալ ԱՄՆ որոշումը։ Ուկրաինական հակամարտությունում Միացյալ Նահանգների միակ նպատակն այն հնարավորինս ձգձգելն է, կարծում է Անտոնովը։ Նրա խոսքով, ամերիկյան իշխանությունների «անհեռատես քայլերը» Ուկրաինայում քաղաքական գործիչների մոտ պատրանք են ստեղծում, թե հնարավոր է Ռուսաստանին «մաշել» և հաղթել մարտի դաշտում, սակայն այդ գործողությունների արդյունքում զոհերի թիվը աճում է։
«Ամերիկայի Միացյալ Նահանգները գնալով ներքաշվում է հակամարտության մեջ՝ մոտենալով Ռուսաստանի Դաշնության հետ առճակատման վտանգավոր գծին»,- ընդգծել է դեսպանը և պարզաբանել, որ նման գիծը ոչ մի լավ բան չի տա խաղաղության և անվտանգության համար։
Դիվանագետի խոսքով, Ուկրաինային սպառազինություն ուղարկելը ավելի ու ավելի է անհանգստության ալիք բարձրացնում հենց ԱՄՆ-ում, այդ թվում՝ այն հարցի շուրջ, թե որքան օգնություն է հասնում նպատակակետին:
Նա նաև նշել է, որ ուկրաինացի զինվորականներն ամեն օր հարվածներ են հասցնում Դոնբասի քաղաքների բնակելի թաղամասերին, և այժմ նրանք ծայրահեղ վտանգի տակ են դնում ողջ Եվրոպան՝ «գրոհելով Զապորոժյեի ատոմակայանի վրա»։
Բացի այդ, ՌԴ դեսպանը հույս է հայտնել, որ այս փաստերը որքան հնարավոր է շուտ կբացեն ամերիկացիների աչքերը, թե կոնկրետ ում է աջակցում ԱՄՆ-ն։
Самое популярное 
В Норатусе за сутки погибли двое мужчин – вследствие взрыва и огнестрельного ранения
