Աղավնոյում բացարձակապես չկա թալան, բնակիչներն էլ չեն լքել գյուղը. Սուրեն Պետրոսյան
ВидеоԱրցախի Աղավնո գյուղի բնակիչները չեն լքում գյուղը, գյուղում թալան չկա, այս մասին հայտարարել է «Ժողովրդավարական համախմբում» կուսակցության նախագահ Սուրեն Պետրոսյանը, որը տեսանյութ է հրապարակել Աղավնոյից։
«Երեկ և այսօր բավականին շատ ապատեղեկատվություն տարածվեց առ այն, որ Աղավնոն համատարած լքում են և Աղավնոն համատարած թալանում են։ Ամենայն պատասխանատվությամբ ձեզ տեղեկացնում եմ, որ Աղավնոն մինչև այսօր գեթ մեկ ընտանիք չի լքել։ Չկա մեկ ընտանիք, որ տարհանել է իր սեփական երեխաներին։ Աղավնոյում բացարձակապես չկա թալան»,– ասել է նա։
Սուրեն Պետրոսյանը նաև հերքեց տարածված տեղեկությունները, թե ռուս խաղաղապահները լքել են իրենց դիրքերը։ «Ասեմ ավելին, ռուս խաղաղապահները ոչ միայն չեն լքել իրենց դիրքերը, այլ մի քանի անգամ ավելի են ուժեղացրել հսկողությունը Աղավնոյի շուրջ»,– ասել է նա։
Նա նաև տեղեկացրեց, որ բազմաթիվ հեռախոսազանգեր, նամակներ են ստացել, որոնցում մարդիկ պատրաստակամություն են հայտնում գալ և սատարել Աղավնոյի բնակիչներին։ Նա նաև նշել է, որ գյուղը չլքելու իրենց որոշումը ոչ թե էմոցիոնալ է, այլ խիստ ռացիոնալ։
«Եվս մեկ անգամ խնդրում եմ՝ այն մարդիկ, ովքեր ուզում են պահել Աղավնոն և Բերձորը, խնդրում եմ գալ և մնալ այս մարդկանց կողքին, ապրել այս մարդկանց կողքին»,– ասել է նա։
Самое популярное 
В Норатусе за сутки погибли двое мужчин – вследствие взрыва и огнестрельного ранения
