Բերձորի հետ մեկտեղ թշնամուն հանձնեցիք Գուրգեն Մելիքյանի 10 000 աղոթքները․ Ռուբեն Մելքոնյան

ԲԵՐՁՈՐԻ ՀԵՏ ՄԵԿՏԵՂ ԴՈՒՔ ԹՇՆԱՄՈՒՆ ՀԱՆՁՆԵՑԻՔ ԳՈՒՐԳԵՆ ՄԵԼԻՔՅԱՆԻ 10 000 ԱՂՈԹՔՆԵՐԸ։ Այս մասին գրել է Ռուբեն Մելքոնյանը։

Շատերը գիտեն, որ շուրջ 30 տարի Գուրգեն Մելիքյանը՝ հայ արևելագիտության նահապետը, շնորհակալ և բացառիկ գործունեություն է ծավալել Արցախում: Իսկ Բերձորում տարիներ շարունակ ուսանողների հետ միասին տնկել է ավելի քան 10 հազար ծառ, մեծ մասը ընկուզենի: Ինքս տեսել եմ, որ ամեն ծառը տնկելիս Գուրգեն Մելիքյանը աղոթք էր ասում: Դո՛ւք՝ ժամանակավոր և անփառունակ իշխանություններ, այսօր թշնամուն հանձնեցիք նաև Գուրգեն Մելիքյանի 10 հազար ծառերն ու 10 հազար աղոթքները: Իշխանության մեջ գտնվող և Գուրգեն Մելիքյանին ճանաչողներ, նրա հետ ծառատունկի մասնակցածներ, ինչպե՞ս եք նայելու Մելիքյանի աչքերին, ի՞նչ եք ասելու, ասելու ե՞ք նախկինները տվեցին քո 10 հազար ծառերը թշնամուն. պահեք այդ մոգական «նախկին» բառը ձեր ընտրազանգվածի համար, դա նրանց վրա գործել, գործում և ցավով պետք է ասեմ, որ դեռ գործելու է: Աստծո (եթե հավատում եք), ձեր խղճի (եթե ունեք) առաջ ի՞նչ պատասխան եք տալու, ինչպե՞ս եք գնահատելու ձեր կործանարար պաշտոնավարումը: Առանց Աստված և խիղճ ինչպե՞ս եք ապրում, դուխո՞վ:

Ցեղասպանությունը վերապրածների և Արևմտյան Հայաստանից գաղթածների զրույցներում հանդիպել եմ ծառերի մասին հիշատակումներ, թե մեր տնկած ծառերը մնացին Մուշում, Վանում, Կարսում. հատկապես տպավորիչ է նրանցից մեկի խոսքը՝ «մենք գաղթեցինք, ծառերը մնացին. երանի ծառերին»: 100 տարի անց այդ նույն զգացումը «պարգևեցիք» հայ ժողովրդին. հիմա էլ շատերը երանի են տալու Բերձորում, Շուշիում  մնացած ծառերին:

Հ.Գ. Առաջին լուսանկարում թշնամուն մնացած ԵՊՀ 100-ամյակի պուրակում Գուրգեն Մելիքյանի հետ ծառատունկից մի դրվագ է, իսկ մյուսում լուսահոգի հորս հիշատակին Բերձորում տնկված և այսօրվանից թշնամուն գերի մնացած ընկուզենին է:

Այս թեմայով «Հային կբերենք նոր լուսաբաց». Ռուբեն Մխիթարյանը նոր երգ է ներկայացրել (տեսանյութ) ՔՊ-ի նշանակած պաշտոնատար անձից ավելին սպասելի չէր. Ռուբեն Մելիքյան Այ էս հայերի տները տալիս են թշնամուն, որոշում են էս շենքից, հաշտ չեմ, վաղը բոլորիս տներն են տալու Սա պետական դավաճանություն է` թշնամուն հանձնել ՀՀ-ի տարածքը. մեր գյուղը այսպես է ընկալում սա (տեսանյութ) Չեզոք գոտին վերածվում է ադրբեջանական տարածքի․ տավուշեցին ցույց է տալիս ՀՀ-ից թշնամուն հանձնվող հատվածները (տեսանյութ) Ռուբեն Վարդանյանի թեման շարունակում է փոթորկել ադրբեջանական լրատվադաշտը․ ադրբեջանագետ Մարդկանց ունեցվածքը տալիս եք թշնամուն, ես երբեք չեմ ստել. Գեղամ Նազարյանը՝ Կիրանցի դեպքերի մասին Ո՛չ Արմեն Աշոտյանի և ոչ էլ, մեր տեղեկությամբ, որևէ այլ մեղադրյալի կողմից որևէ «վնաս» չի «վերականգնվել». Մելիքյան ԱԳՆ-ում հավաքված են տուն պահող, հնազանդ դիվանագետներ, ոչնացնում են ամեն ինչ. Մելքոնյան Որևէ իշխանություն չի կարող առանց ժողովրդի կամքը հաշվի առնելու թշնամուն նվիրել ՀՀ տարածքները․ ՀՅԴ ՀԵՄ