Պրիլուչնին խոստովանել է, որ Բրուտյանի հետ ծանոթացել է նախքան ամուսնալուծվելը

Դերասան Պավել Պրիլուչնին խոստովանել է, որ ծանոթացել է Զեփյուռ Բրուտյանի հետ, երբ նա ամուսնացած էր Ագաթա Մուչենիչեի հետ։ Այս մասին նա պատմել է Նադեժդա Ստրելեցին տված հարցազրույցում։

Պավել Պրիլուչնին երկար հարցազրույց է տվել, որտեղ պատմել է Զեփյուռ Բրուտյանի հետ սիրավեպի մանրամասները։ «Եկեք մի փոքր կրակ ավելացնենք այս հարցազրույցին: Դուք հանդիպել եք, երբ դեռ ամուսնացա՞ծ էիք»,- հարցրել է Նադեժդան։ «Դե, այո, այո, նա նկարահանվում էր իմ առաջին «Վանդակում» ֆիլմում: Ընկերացանք, շնորհավորեցինք միմանց, ոչ ավելին։ Ինձ նա շատ դուր եկավ՝ որպես մարդ, բայց միշտ մտածել եմ նրա մասին։ Այո, ես այդ ժամանակ ամուսնացած էի։ Ճիշտ է, ընտանիքում մենք արդեն այնքան էլ լավ հարաբերություններ չունեինք, բայց, այնուամենայնիվ, ես ամուսնացած էի։ Դե, դա նշանակություն չունի», - ասել է Պավել Պրիլուչնին:

Ըստ Պրիլուչնիի՝ Բրուտյանն իրեն նվաճել է իր «հայեցի դաստիարակությամբ»։ «Նա շատ փոքր էր, մանրիկ: Բայց ես միշտ նայում էի նրան, և ինձ շատ էր դուր գալիս, թե ինչպես է նա վարվում տղամարդկանց հետ։ Նա երբեք թույլ չէր տալիս, որ մոտենան իրեն, ինչ-որ սխալ բան անեն, ինչ-որ կերպ վատ վարվեն նրա հետ: Նա իրեն շատ լավ էր պահում: Մտածեցի՝ նա շատ համեստ է։ Նրա մասին կարելի է ժամերով խոսել»,- ասել է Պրիլուչնին։

Օգոստոսի 25-ին Պավել Պրիլուչնին և Զեփյուռ Բրուտյանն ամուսնացան։ Այս ամուսնությունը դերասանի համար երկրորդն էր։ 2011 թվականին նա ամուսնացել էր Ագաթա Մուչենիեսի հետ, ում հետ ծանոթացել է «Փակ դպրոց» հեռուստասերիալի նկարահանման հրապարակում։ 2013 թվականին զույգը որդի ունեցավ՝ Տիմոտին, իսկ 2016 թվականին ծնվեց Միյան՝ դուստրը։ 2020 թվականին դերասանները պաշտոնապես ամուսնալուծվեցին։