Պայքար՝ Փաշինյանի «սիրտը» շահելու համար. ով է ցանկանում զբաղեցնել Պապիկյանի տեղը

Սեպտեմբերի 18-ին կայանալիք վարչության ընտրությանը և կուսակցության համագումարին ընդառաջ՝ «Քաղաքացիական պայմանագիր» կուսակցության ներսում կրքերը չեն հանդարտվում: Մասնավորապես, շատ ՔՊ-ականների դուր չի գալիս ՔՊ քաղաքապետի թեկնածու Տիգրան Ավինյանի պահվածքը: Բանն այն է, որ վերջինս հավակնում է դառնալ ՔՊ վարչության նախագահ, քանի որ չեն կարող նախագահ լինել ոչ Նիկոլ Փաշինյանը, ոչ էլ ներկայիս նախագահ Սուրեն Պապիկյանը. ռոտացիոն կարգով պետք է փոխվի նախագահը՝ ըստ ՔՊ կանոնադրության: Եվ, ահա, Ավինյանը, կարծես թե, իր առանձին թիմն է ձևավորել ու թեժ պայքարում է նախագահի կարգավիճակի համար՝ կանգ չառնելով ոչնչի առջև:

Տիգրան Ավինյանը, ըստ էության, որոշել է ինքն իրեն ապահովագրել: Վերջինս հասկանում է, որ հաշվի առնելով ՔՊ ներսում առկա աժիոտաժը և չվերջացող պայքարը՝ կարող է ստեղծվել մի իրավիճակ, երբ վերջինս այդպես էլ չի ստանա քաղաքապետի բաղձալի պաշտոնը:  Այդ իսկ պատճառով այժմ Ավինյանի համար շատ կարևոր է որպես հակակշիռ ունենալ առնվազն ՔՊ վարչության նախագահի պաշտոնը, որն իրականում բավականին առանցքային դերակատարում է  ենթադրում և այդ պաշտոնը զբաղեցնողին ավտոմատ կերպով ապահովում է դիրքն իշխանության վերին էշելոնում:

Դա է պատճառը, որ տվյալ պաշտոնի համար պայքարում Ավինյանին չեն զիջում իր իսկ թիմակիցները: Դիցուք՝ հաջորդ թեկնածուն նախկին նախարար Արսեն Թորոսյանն է: Թորոսյանը չի հաշտվել այն մտքի հետ, որ ստիպված է եղել գործադիրում աշխատանքը փոխարինել օրենսդիր մարմնում ստացած մանդատի հետ, նրա ամբիցիաներն ավելին են և հենց դա է պատճառը, որ Թորոսյանն մինչ այս պահն էլ ակտիվ մարզային վոյաժների մեջ է և փորձում է լծակներ ստանալ՝ վարչության նախագահի պաշտոնը զբաղեցնելու համար:

Հաջորդ թեկնածուն, ով ցանկանում է զբաղեցնել այս պաշտոնը, Արփի Դավոյանն է, վերջինս փորձում է շահել Փաշինյանի սիրտն` ընդդիմադության հասցեին իր սուր քննադատություններով, հաճախ անգամ այնտեղ, որտեղ դրա կարիքը բնավ չի զգացվում: Այսպիսով, Դավոյանը ցանկանում  է ընդգծել իր լոյալությունը Նիկոլ Փաշինյանին և ցույց տալ, որ եթե իրեն վստահվի վարչության նախագահի պաշտոնը՝ ինքնուրույն խաղեր վարել ինքը չի պատրաստվում:

Եվ վերջապես վերջին թեկնածուն Վահագն Ալեքսանյանն է: Նա նույնպես բավականին ակտիվ է ընդդիմադիրներին քարկոծելու գործում, սակայն թերևս ունի ամենափոքր շանսերը զբաղեցնելու բաղձալի պաշտոնը:

Թե ով կընտրվի ՔՊ վարչության նախագահ` ցույց կտա ժամանակը, մի բան ակնհայտ է` Նիկոլ Փաշինյանն է որոշելու արդյունքում, թե ով կզբաղեցնի այդ պաշտոնը, քանի որ ժամանակը ցույց տվեց, որ ժողովրդավարություն ասվածը ՔՊ-ում, մեղմ ասած, չի աշխատում...

Այս թեմայով Այսօրվանից Երևանի մաքսային սպասարկման վարչություն դիմումը պետք է ներկայացնել էլեկտրոնային եղանակով Փաշինյանը մերժեց առաջարկս՝ ստեղծել Արցախի հարցով հատուկ ծրագրերի վարչություն. Սամվել Բաբայան Համայնքապետն ու ընտանիքի անդամները կանչվել են Դատախազության ապօրինի գույքի բռնագանձման վարչություն Զոհված զինծառայողի ծնողի փաստաբանները մտան քննչական վարչություն` Աշոտ Փաշինյանի հետ առերեսման Արցախի ԱԳ նախարար Դավիթ Բաբայանն այցելել է ՀՕՄ գրասենյակի Արևմտյան Ամերիկայի կենտրոնական վարչություն ԱԻՆ մարզային փրկարարական վեց վարչություն համալրվել է «UAZ Patriot» մակնիշի նոր ավտոմեքենաներով ՊԵԿ նախագահն այցելել է ՀՀ-ում ՌԴ ԱԴԾ սահմանապահ վարչություն ԱԺ դարպասները վաղուց են զոդվել․ ԱԺ հասարակայնության հետ կապերի և հաղորդակցության վարչություն ՔՊ-ում նոր վարչություն կընտրեն. Ով կլինի նախագահը. «Հրապարակ» ՀՀ քաղաքացիներն անձնագիր ստանալու խնդրի առաջ չեն կանգնի․ անձնագրայինում աշխատանքներն ընթանում են բնականոն հունով